20.04.2026 | 22:13
ՀՀ ԱԳ փոխնախարարը ESCAP-ի նստաշրջանում ներկայացրել է տարածաշրջանային համագործակցության առաջնահերթությունները
Եթե գործատուն աշխատողին չտրամադրի ամենամյա արձակուրդ, ապա կտուգանվի․ նոր փոփոխություն օրենսգրքում․ ՏԵՍԱՆՅՈՒԹ
Հասարակություն
28.03.2022 | 11:35
Հանրային քննարկման է ներկայացվել ՀՀ աշխատանքային օրենսգրքի լրամշակված նախագիծը:
Աշխատանքային օրենսգրքի ամենահաճախ հանդիպող խախտումներից են արձակուրդի ժամկետների խախտումները, չտրամադրումը:
«ՀՀ աշխատանքի և սոցիալական հարցերի նախարարի տեղակալ Ժորա Սարգսյանն այսօր հրավիրված ասուլիսում նշեց, որ մանրամասն անդրադարձ է կատարվել այս խնրին. «Կան իրավիճակներ, երբ աշխատողները տարիներով չեն օգտվում իրենց ամենամյա արձակուրդից, չնայած որ Աշխատանքային օրենսգրքով կա հստակ կարգավորում, որ ամենամյա արձակուրդը կարող է տեղափոխվել առավելագույնը 18 ամիս, այն էլ աշխատողի նախաձեռնությամբ կամ համաձայնությամբ: Նոր նախագծով առաջարկում է, որ եթե գործատուն աշխատողին չտրամադրի ամենամյա արձակուրդ, ապա տուգանվի՝ աշխատավարձի 25 տոկոսի չափով՝ միջին ամսական աշխատավարձից հաշվարկ կատարելով: Եթե աշխատողը երկուսուկես տարի դիմում չի գրում, գործատուն կարող է առանց դիմումի նրան հրամանով ուղարկել արձակուրդ: Այս կարգավորման նպատակը աշխատողի հանգստի իրավունքը պաշտպանելն է»,- նշեց Սարգսյանը:
Մանրամասները՝ տեսանյութում:
