06.10.2026 | 18:30
Ալեն Սիմոնյանն ընդունել է Հայաստանում դիվանագիտական առաքելությունն ավարտող Լյուքսեմբուրգի դեսպանին
Եթե գազի գինը ֆիքսենք ռուբլիով, ապա դա կլինի մեծ հաջողություն. Վահան Քերոբյան․ ՏԵՍԱՆՅՈՒԹ
Տնտեսություն
24.03.2022 | 12:29
Բնական գազի հետ կապված կա երկու հարց. մեկը գնագոյացումն է, մյուսը` վճարման արժույթը, և այստեղ էական տարբերություններ կան։ Եթե գինը ֆիքսենք ռուբլով, դա շատ մեծ հաջողություն կլինի։ Այս մասին կառավարության նիստից հետո հայտնեց Էկոնոմիկայի նախարար Վահան Քերոբյանը։
«Մենք հիմա ունենք խնդիր, երբ մեր արտահանողները, ռուբլու ապագա կուրսի նկատմամբ վստահություն չունենալով, չափազանց դժկամ են իրենց արտահանումները ռուբլիով գնանշելու առումով։ Եթե մենք ունենանք ֆիքսված գազի գին ռուբլով, դա հնարավորություն կտա, որպեսզի մենք հակադարձ գործարքներով կարողանանք մեր արտահանողներին տալ ռուբլու ֆիքսված ապագա կուրս։
Օրինակ` մենք էսօր ապրանքն արտահանում ենք, վճարումը պետք է ստանանք երկու ամիս հետո, արտահանողի բանկը կկարողանա արտահանողին ասել, որ եթե երկու ամիս հետո դու ստանաս էսքան ռուբլի, մենք դա կփոխարկենք դրամի էսօր արդեն որոշված կուրսով, որը արտահանողներին որոշակի վստահություն կտա»,- նշեց Քերոբյանը
Նախարարի խոսքով՝ փետրվարին ռուբլու կուրսի արժեզրկման հետևանքով արտահանողները զգալի կորուստներ են կրել։
Մանրամասները՝ տեսանյութում:
