20.04.2026 | 22:00
Հայաստանի և Բելգիայի ԱԳ նախարարները անդրադարձել են տարածաշրջանային զարգացումներին
Տիգրան Աբրահամյանը՝ ԱԺ-ում փոխվարչապետի հետ փակ հանդիպման մասին․ ՏԵՍԱՆՅՈՒԹ
Քաղաքականություն
24.03.2022 | 11:56
«Հետպատերազմական ժամանակաշրջանում Հայաստանն Արցախին տրամադրվող միջպետական վարկին զուգահեռ նաև որոշակի ծրագրեր է իրականացրել: Ինձ հայտնի չէ, թե այս պահին, այս իրավիճակով պայմանավորված` Կառավարությունն ինչ միջոցառումներ է իրականացնում: Կառավարության կայքում կան Արցախի համար իրականացվող օժանդակության ծրագրեր, բայց դրանք այս վիճակի հետ կապված չեն: Առաջիկայում կփորձեմ հստակեցնել»,- այս մասին այսօր խորհրդարանական ճեպազրույցի ընթացքում ասաց ԱԺ «Պատիվ ունեմ» խմաբցկության պատգամավոր Տիգրան Աբրահամյանը՝ անդրադառնալով փոխվարչապետի հայտարարությանը, թե 20 ծրագիր կա պահոցում, որոնք դեռ գործի չեն դրվել, բայց երբ իրականացվեն, կարող են Արցախը ճգնաժամից հանել։
Աբրահամյանի խոսքով՝ հրապարակված ծրագրերը հիմնականում հետպատերազմյան շրջանին են վերաբերում, ինչպես նաև` կորոնավիրուսով պայմանավորված վիճակով։
«Այստեղ խնդիրը միայն գազամատակարարումը չէ և սոցիալական ծրագրեր իրականացնելը չէ: Մեր խնդիրը մեծ է… Կառավարությունը պետք է ունենա համալիր ծրագրեր, որովհետև հարցերի կուտակումն ու չլուծումը կարող է բերել երկու խոշոր հետևանքի՝ կա՛մ Արցախի մեծ ծավալի հայաթափմանը, կա՛մ երկրորդ տարբերակը, դա կարող է բերել նոր պատերազմի»,- նշեց Աբրահամյանը:
Մանրամասները՝ տեսանյութում:
