17.12.2025 | 11:33
Տեր Շտեգենը վերադարձել է խաղադաշտ ու մասնակցել «Բարսելոնայի» հաղթանակին․ ՏԵՍԱՆՅՈՒԹ
Ծովագյուղի և Սեմյոնովկայի բնակիչները դեռ փակ են պահում Սևան-Երևան մայրուղին
Հասարակություն
23.03.2022 | 22:57
Սևան-Երևան մայրուղին այսօր կեսօրից սկսած մինչ այս պահը փակ է, հաղորդում է аrmtimes.am-ը։
Գեղարքունիքի մարզի Ծովագյուղ և Սեմյոնովկա համայնքների բնակիչներն այն փակ են պահում՝ պահանջելով չեղարկել համայնքների խոշորացումը։ Նրանք հանդիպում են պահանջում ՀՀ տարածքային կառավարման և ենթակառուցվածքների նախարար Գնել Սանոսյանի հետ: Հարյուրավոր ավտոմեքենաներ մնացել են ճանապարհին։ Բողոքի ակցիայի մասնակիցները ցրտին դիմանալու համար տեղ-տեղ խարույկներ են վառել։
Factor.am-ն ավելի վաղ տեղեկացրել էր, որ Գեղարքունիքի մարզի Ծովագյուղ և Սեմյոնովկա համայնքները բոյկոտել են 2021-ի դեկտեմբերի 5-ի ՏԻՄ ընտրությունները։ Ծովագյուղի համայնքապետի ժամանակավոր պաշտոնակատար Վահրամ Գևորգյանը նշել էր, որ բնակիչները չեն մասնակցել ընտրությանը, քանի որ դեմ են համայնքների խոշորացմանը, որի արդյունքում Ծովագյուղն ու Սեմյոնովկան պետք է ընդգրկվեն Սևան խոշորացված համայնքի կազմում։
Սեմյոնովկայի համայնքապետի ժամանակավոր պաշտոնակատար Դավիթ Մնացականյանն էլ մեր հարցին ի պատասխան նշել էր, որ, եթե Սեմյոնովկան պետք է ընգրկվեր խոշորացման գործընթացում, ապա գյուղացիները ցանկանում էին, որ համայնքը միավորվեր ոչ թե Սևանի, այլ Ծովագյուղի հետ։
