20.11.2024 | 08:36
Նիկոլ Փաշինյանը հայտնեց ՆԳ նոր նախարարի անունը
Պետական դրոշի գործածման տարածքները կընդլայնվեն. ԱԺ-ն միաձայն ընդունեց ընդդիմության նախագիծը
Քաղաքականություն
23.03.2022 | 11:17
ՀՀ ազգային ժողովն այսօր երկրորդ ընթերցմամբ և ամբողջությամբ ընդունել է «Հայաստան» խմբակցության պատգամավոր Աղվան Վարդանյանի՝ դրոշի գործածման տարածքներն ընդլայնելու վերաբերյալ օրենքի նախագիծը։ Այն ստացել է 94 «կողմ» ձայն:
Օրենքով սահմանվում է, որ ՀՀ դրոշը մշտապես բարձրացվում է նաև հանրակրթական, բարձրագույն ուսումնական հաստատությունների, պետական գիտական, մարզական և մշակութային կազմակերպությունների, պետության և համայնքի կողմից հիմնադրված այլ իրավաբանական անձանց շենքերի վրա:
ՀՀ դրոշը Հանրապետության և Անկախության տոներին, ինչպես նաև Սահմանադրության և պետական խորհրդանիշների օրը տեղադրվում է Հայաստանի Հանրապետության բնակավայրերի հրապարակների, փողոցների, այգիների և պուրակների հարակից վայրերում, շենքերի, շինությունների, այդ թվում` բնակելի շենքերի վրա, որոնց ցանկը սահմանում է համայնքի ղեկավարը:
