08.02.2026 | 21:11
Նուրլան Սաբուրովն արձագանքել է Ռուսաստան մուտք գործելու արգելքին
Բացահայտվել է հանցագործության 87 դեպք, որից 5-ը՝ նախկինում կատարված
Հասարակություն
23.03.2022 | 11:49
Ըստ ոստիկանության օպերատիվ հաղորդագրությունների ամփոփագրերի՝ մարտի 22-ից 23-ը Հայաստանի Հանրապետության ոստիկանության ստորաբաժանումները բացահայտել են հանցագործության 87 դեպք, որից 5-ը՝ նախկինում կատարված․ տեղեկացնում են ՀՀ ոստիկանությունից։
Մասնավորապես ՝ անձնական ունեցվածքի գողության՝ 18, թմրամիջոցի հայտնաբերման՝ 13, խարդախության՝ 11, մարմնական վնասվածք պատճառելու և բնակարանային գողության՝ 5-ական, ծանր վիրավորանքի՝ 4, յուրացնելու կամ վատնելու, ընտանեկան բռնության ու սառը զենքի հայտնաբերման՝ 3-ական, պաշտոնեական լիազորությունները չարաշահելու, ծեծի և սպանության սպառնալիքի՝ 2-ական, շորթման, գույքը դիտավորությամբ վնասելու, մաքսանենգության, խուլիգանության, փաստաթղթի կեղծիքի, սպառողին խաբելու, բժշկական օգնություն և սպասարկում իրականացնողների կողմից մասնագիտական պարտականությունները չկատարելու կամ ոչ պատշաճ կատարելու, խոշտանգման, անչափահասի նկատմամբ անառակաբարո գործողությունների, թմրանյութի իրացման և ընդերքի օգտագործման և պահպանման կանոնները խախտելու՝ 1-ական դեպք։
Հայտնաբերվել է 6 անհետ կորած, 1 հետախուզվող։
Գրանցվել է զենք-զինամթերքի կամավոր հանձնման 2 դեպք։
Նախկինում կատարված հանցագործություններից բացահայտվել է անձնական ունեցվածքի գողության՝ 4, և համակարգչային հանցագործության 1 դեպք։
Անցած 1 օրվա ընթացքում հանրապետությունում արձանագրվել է ճանապարհատրանսպորտային 6 պատահար. 10 մարդ ստացել է տարբեր աստիճանի մարմնական վնասվածքներ:
