14.05.2026 | 23:01
Որևէ պետական հիմնարկ չի կարող պատկանել որևէ մեկին. Անահիտ Ավանեսյանը դատապարտել է Տաշիրի պոլիկլինիկայում տեղի ունեցած միջադեպը
Նիդեռլանդները շուրջ 400 մլն եվրոյի ռուսական ակտիվներ է սառեցրել
Քաղաքականություն
22.03.2022 | 18:45
Նիդեռլանդները սառեցրել է 392 մլն եվրո արժողությամբ ռուսական ակտիվները։ Այս մասին երկրի խորհրդարանին ուղղված նամակում հայտնել է ֆինանսաների նախարար Սիգրադ Կագը, գրում է ՏԱՍՍ-ը։
Պաշտոնյայի փոխանցմամբ՝ ապահովագրական ընկերություններից, կենսաթոշակային հիմնադրամներից, ֆոնդերի կառավարիչներից և ֆինանսական այլ հաստատություններից ստացվել է, ընդհանուր առմամբ, 188 ակտիվների սառեցման հաշվետվություն։
«Ներկայում սառեցվել է 392 մլն եվրոյի ակտիվ, թիվը շարունակում է աճել»,- ասել է Կագը։
Նիդեռլանդներում ակտիվները սառեցնելու պարտավորությունը կրում են իրենք՝ ֆինանսական կազմակերպությունները, որոնք այնուհետև պետք է այդ մասին տեղեկացնեն գլխավոր կառույցներին՝ Ֆինանսական շուկաների մարմնին և Նիդեռլանդների բանկին: Այս կանոնը չկատարելը համարվում է տնտեսական հանցագործություն։
Էմմա Չոբանյան
