18.12.2025 | 23:24
ՀՀ տարածքում ավտոճանապարհները հիմնականում անցանելի են
Պատերազմը՝ թվերով․ որքա՞ն կորուստ են ունեցել Ուկրաինան և ՌԴ-ն․ ՏԵՍԱՆՅՈՒԹ
Քաղաքականություն
21.03.2022 | 20:10
Ուկրաինայում արդեն 26 օր է՝ շարունակվում են ռազմական գործողությունները։ Պաշտոնական Կիևն այսօր հայտարարել է, որ ռուսական կողմը պատերազմի ընթացքում արդեն 15․000 զինվորականի կորուստ է տվել։ Ուկրաինայի ՊՆ-ի հրապարակած տվյալներով՝ ռուսական բանակի տեխնիկայի կորուստները կազմում են՝
- զրահապատ մարտական մեքենաներ՝ 1535 միավոր,
- հրետանային համակարգեր՝ 240 միավոր,
- համազարկային կրակի համակարգեր- 80 միավոր,
- ՀՕՊ համակարգեր՝ 45 միավոր,
- ինքնաթիռներ՝ 97 միավոր,
- ուղղաթիռներ՝ 121 միավոր,
- ավտոմոբիլային սարքավորումներ՝ 969 միավոր,
- նավեր/նավակներ – 3 միավոր,
- տանկեր՝ վառելիքով և քսանյութերով՝ 60 միավոր,
- ԱԹՍ -ներ ՝ 24 միավոր
- հատուկ տեխնիկա՝ 13 միավոր
ՌԴ ՊՆ-ն ևս հայտնում է Ուկրաինայի կրած կորուստների մասին։ Համաձայն այդ տվյալների՝ ռազմական գործողության սկզբից ոչնչացվել է ուկրաինական բանակի 216 անօդաչու թռչող սարք, 180 զենիթահրթիռային համալիր, 1506 տանկ և այլ զրահատեխնիկա, 152 բազմակի հրթիռային կայանք, 592 դաշտային հրետանի և ականանետ, ինչպես նաև 1284 միավոր հատուկ ռազմական մեքենա։
ՄԱԿ-ի Մարդու իրավունքների գերագույն հանձնակատարի գրասենյակն իր հերթին հայտնել է խաղաղ բնակչության շրջանում կորուստների թիվը։ Ըստ այդմ՝ փետրվարի 24-ի ժամը 4:00-ից մինչև մարտի 19-ը ժամը 24:00-ն ընկած ժամանակահատվածում Ուկրաինայում 902 խաղաղ բնակիչ է զոհվել, վիրավորվել՝ 1459-ը։
Մանրամասները՝ տեսանյութում։
