01.11.2024 | 20:18
Հրդեհ Ամիրյան փողոցի շենքերից մեկում. դեպքի վայր է մեկնել 3 մարտական հաշվարկ
Հիշում եմ, թե պատերազմի ժամանակ ում զենքով էին սպանում իմ մարտական եղբայրներին. Խզմալյանը՝ Խամոյանին․ ՏԵՍԱՆՅՈՒԹ
Քաղաքականություն
18.03.2022 | 17:02
«Պետք է մտածել ոչ միայն այն մասին, թե ով է այսօր կանգնած Արցախում, այլ ով է կանգնած լինելու վաղը»,- ԱԺ եվրոպական ինտեգրման հարցերի մշտական հանձնաժողովի արտահերթ նիստում այս մասին նշեց «Եվրոպական կուսակցության» նախագահ Տիգրան Խզմալյանը՝ դիմելով «Հայաստան» խմբակցության պատգամավոր Ագնեսա Խամոյանին:
Խզմալյանը հորդորեց իրեն հիշելու կոչեր չանել, քանի որ 44-օրյա պատերազմի մասնակից է և լավ է հիշում, թե ում զենքով և հրահանգով էին սպանում իր մարտական ընկերներին: «Իմ ձևակերպումները իմ քաղաքական դիրքորոշումն է, և ձեր քաղաքական ճաշակները եկեք քաղաքական գնահատականներ չդարձնենք»,- նշեց Խզմալյանը:
Նշենք, որ «Հայաստան» խմբակցության պատգամավոր Ագնեսա Խամոյանը նշել էր, որ իր համար անընդունելի են ռազմավարական գործընկերոջ նկատմամբ Խզմալյանի օգտագործած «թրենդը Ռուսաստանի դեմ», «շուտով Ռուսաստանը կկործանվի», «ուրիշ կոնտինգենտ կարող ենք տանել Արցախ» արտահայտությունները:
«Փաստն այն է, որ այսօր արցախցիների անվտանգությունն ապահովում են ռուս խաղաղապահները»,- նշել էր Խամոյանը և, դրական գնահատելով ԵԽ որոշումը, Խզմալյանին հիշեցրել, որ 44-օրյա պատերազմում Ադրբեջանի նկատմամբ պատժամիջոց չեն կիրառել այն կենտրոնները, որոնք այսօր տարբեր փաթեթներով պատժամիջոց են սահմանում ՌԴ-ի դեմ:
Մանրամասները՝ տեսանյութում:
