10.10.2026 | 18:18
ԶՈՒ ԳՇ պետն այցելել է մի շարք զորամասեր
ԵՏՄ անդամները պայմանավորվել են փուլային անցում կատարել ռուբլով հաշվարկներին
Քաղաքականություն
18.03.2022 | 17:11
Եվրասիական տնտեսական միության (ԵԱՏՄ) անդամ երկրները համաձայնության են եկել ազգային արժույթներով հաշվարկների փուլային անցման մասին, «Ռոսիա-24» հեռուստաալիքի եթերում ասել է ՌԴ տնտեսական զարգացման նախարարության ղեկավար Մաքսիմ Ռեշետնիկովը, գրում է ՏԱՍՍ-ը։
«Շատ կարևոր հարցը, որը քննարկվել է [Եվրասիական տնտեսական հանձնաժողովի խորհրդի նիստում], ռուբլով փոխադարձ հաշվարկների հարցն է՝ համապատասխան երկրների բյուջեներին։ Այսինքն՝ այն տուրքերը, որ ստանում է յուրաքանչյուր երկիր, հետո բաժանվում են որոշակի համամասնություններով, որոնք ամրագրված են միութենական պայմանագրով, և, համապատասխանաբար, մտնում են համապատասխան երկրների բյուջեներ։Նախկինում այդ ամենը տեղի էր ունենում արտարժույթով։ Այս պահին մենք պայմանավորվել ենք փուլային անցում կատարել ազգային արժույթով հաշվարկներին»,- ասել է ռուս նախարարը։
Նա ընդգծել է, որ Ռուսաստանի համար առանձնահատուկ նշանակություն ունի, որ Ռուսաստանի Դաշնության տուրքի հիմնական հաշվարկը ստացվի ռուբլով։ «Այսպիսով, մենք սկսել ենք միասնական ռուբլու տարածություն ձևավորել»,- պարզաբանել է Ռեշետնիկովը։
Տաթև Ֆռանգյան
