Քաղաքականություն
18.03.2022 | 16:30«Մենք հիմա Թուրքիայի հետ ունենք որոշակի հարաբերություններ, բայց ամենևին բարեկամներ չենք: ՀՀ արտգործնախարարը բարեկամությունից չի խոսել, հայտարարել է հայ- թուրքական հարաբերությունների կարգավորման մասին»,- այս մասին այսօր լրագրողների հետ զրույցում նշեց «Քաղաքացիական պայմանագիր» խմբակցության պատգամավոր Արման Եղոյանը:
Անդրադառնալով սահմանների բացման խնդրին՝ պատգամավորը հիշեցրեց, որ 30 տարի շարունակ սահմանների բացման հարցն առաջ է քաշվել. «Միջազգային որ մի ատյանն էլ գնում էինք, ասում էինք՝ ճնշեք Թուրքիային, սահմանները բացենք: Հիմա ԱՄՆ-ը, Ռուսաստանը զանգել են, թուրքերին ասել են՝ սկսեք Հայաստանի հետ խոսել, որ սահմանը բացվի, մենք ի՞նչ պետք է անենք, չխոսե՞նք, թե՞ խոսենք, որ սահմանը բացվի, թե՞ իրենք բացեն, մենք փակենք սահմանը: Ո՞րն է այստեղ տրամաբանությունը:
Եղոյանի հավաստմամբ՝ այս պահին նախապայմանների մասին խոսք չկա. «Եթե իրավիճակը փոխվի, սկսեն նախապայմաններ առաջ քաշել, մեր կողմից էլ կլինի համապատասխան ռեակցիա»:
Մանրամասները՝ տեսանյութում:
