10.10.2026 | 19:12
Ֆուտբոլի Հայաստանի հավաքականը հոկտեմբերի 14-17-ը մարզական հավաք կանցկացնի. Մ-17
50 հազար ՌԴ քաղաքացիների ժամանումը կարող է մինչև 250 հազար նոր աշխատատեղ ապահովել․ Հայկ Չոբանյան․ ՏԵՍԱՆՅՈւԹ
Տնտեսություն
17.03.2022 | 18:45
Հայաստան ժամանող ռուսաստանցիների թվում մեծ է ՏՏ մասնագետների թիվը, և հայկական ընկերությունները կարող են նրանց ներգրավել իրենց մասնագետների պակասը լրացնելու համար։ Factor TV-ի հետ զրույցում այս մասին նշում է ԱՏՁՄ գործադիր տնօրեն Հայկ Չոբանյանը։
Նրա խոսքով՝ Հայաստան գալիս են և՛ անհատ մասնագետներ, և՛ ՏՏ մասնագետների խմբեր, և՛ ոլորտի ամբողջական ընկերություններ։ Չոբանյանը բացատրում է, որ աշխարհում ընդունված է այն հաշվարկը, որի համաձայն՝ ամեն ՏՏ մասնագետ ապահովում է 5 հավելյալ աշխատատեղ, մասնավորապես, սպասարկման ոլորտում։
«Եթե, օրինակ, այսօր Հայաստանում 50 հազար մասնագետ կա (կարծեմ այդպիսի թիվ է հնչել պաշտոնապես), դա, ըստ էության, գեներացնում է 250 հազար այլ աշխատատեղ, տեսականորեն, որոնք պետք է սպասարկեն այս մարդկանց։ Եվ այս առումով դա հսկայական տնտեսական ազդեցություն է», – նշում է Չոբանյանը։
ԱՏՁՄ գործադիր տնօրենը նշում է, որ դեռ հստակ հաշվարկներ չկան, բայց ռուսաստանցի ՏՏ մասնագետների Հայաստան ժամանումը կարող է կրկնապատկել Հայաստանում ՏՏ ոլորտի ծավալը։
Մանրամասները՝ տեսանյութում։
