06.08.2026 | 13:48
ՔՊ-ն Վարդևանյանի ընտրության հարցով փակ նիստ է անցկացնում
Արցախում գազամատակարարումը դեռևս չի վերականգնվել
17.03.2022 | 13:19
Արցախի բնակիչներն ուղիղ 10 օր է՝ զրկված են գազամատակարարումից։ Գազատարի վթարը Ադրբեջանի հսկողության տակ գտնվող տեղանքում է՝ Շուշիի մոտ։ Ադրբեջանական կողմը օրեր շարունակ թույլ չէր տալիս մտնել վթարի վայր ու վերանորոգել խողովակը։ Գազի բացակայությունը բազմաթիվ խնդիրներ է ստեղծել՝ հացի արտադրությունից, ջեռուցումից մինչև ծանրաբեռնվածության պատճառով հոսանքի անջատումներ։
Երեկ Արցախի տեղեկատվական շտաբը հայտնեց, որ Հայաստանի կառավարության ու ռուս խաղաղապահների աջակցությամբ իրականացվող բանակցությունների շնորհիվ ադրբեջանական կողմը սկսել է վնասված գազատար խողովակի վերանորոգման աշխատանքը։ Գազամատակարարումը դեռևս վերականգնված չէ։ Այս մասին այսօր Factor TV-ին հայտնեցին Արցախի նախագահի աշխատակազմից։ Հարցին՝ նորոգման աշխատանքներն ընթանո՞ւմ են՝ նշեցին, որ ադրբեջանական կողմը, ճիշտ է, հայտնել է նման պատրաստակամություն, սակայն չեն կարող հստակ ասել՝ աշխատանքներն ընթացքի մեջ են, թե ոչ, քանի որ դեպի այդ հատված հասանելիություն չկա։
Մերի Մարտիրոսյան
