10.10.2026 | 19:47
Քննարկվել են Հայաստանում կախվածությունների կանխարգելման և բուժման ուղղությամբ իրականացվող աշխատանքները
Խաղաղության խոսակցությունների համար այս պահին միջավայր չկա․ ադրբեջանական կողմը անկեղծ չէ․ ՄԻՊ․ ՏԵՍԱՆՅՈՒԹ
Քաղաքականություն
17.03.2022 | 12:45
Կառավարության նիստից հետո տեղի ունեցած ճեպազրույցում ՀՀ ՄԻՊ Քրիստիննե Գրիգորյանը անդրադառնալով Արցախ կատարած իր այցին, այնտեղ կատարած արձանագրումներին ու հետևություններին, նշեց, որ հանդիպումներ է ունեցել Արցախի պաշտոնատար անձանց հետ, այցելել Խրամորթ գյուղ ու շփվել բնակիչների հետ, տեղում ծանոթացել է խնդիրնեին:
«Իմ այցի ժամանակ դեռևս մոտ 2 շաբաթ էր, ինչ Ադրբեջանի զինված ուժերի կողմից սկսվել էր բարձրախոսներով հոգեբանական ճնշում գործադրելու գործընթացը: Խիստ մտահոգիչ էր այն իրավիճակը, որ տեսա այնտեղ: Խոսքը բնակչության հոգեբանական վիճակի մասին է: Այցից հետո ցավալիորեն ունեցանք շատ ավելի լուրջ զարգացումներ, ընդհուպ ինտենսիվ կրակոցներ, մեծ տրամաչափի զենքերից կրակոցներ ու նաև հետագայում գազի անջատման ու էլեկտրաէներգիայի անընդհատ ընդհատումների պայմաններում անտանելի հումանիտար իրավիճակ էր»,- նշեց ՄԻՊ-ը:
Նա տեղեկացրեց, որ այցելել է նաև Ստեփանակերտում գտնվող տեղահանված բնակիչների ժամանակավոր կացարան: «Զբաղվածության, սոցիալական ինտեգրման, երեխաների ադապտացման խնդիրները շատ էին»,- նշեց Գրիգորյանը:
ՄԻՊ-ն ընդգծեց, որ Ադրբեջանի կողմից ճնշման, ահաբեկման, հայաթափման նպատակ հետապնդող քաղաքականությունը շարունակական է:
Մարդու իրավունքների պաշտպանն անդրադառնալով Ադրբեջանի հետ խաղաղություն հաստատելու վերաբերյալ հարցին, նշեց. «Խաղաղության խոսակցությունները, կամարտահայտման բարձրաձայնումները պիտի ապացուցված լինեն նաև գործողություններով: Առնվազն վերջին 2 շաբաթվա իրադարձությունները և էսկալացիաները, ներառյալ հումանիտար իրավիճակի լարվածությունը ցույց են տալիս, որ խաղաղության մասին խոսակցությունների համար ուղղակի միջավայր ու գործողություններ չկան: Դրանք, մեղմ ասած, ադրբեջանական կողմից անկեղծ չեն»:
Մանրամասները՝ տեսանյութում:
