Քաղաքականություն
17.03.2022 | 12:00Կառավարությունը հավանություն տվեց «ՀՀ բյուջետային համակարգի մասին», «Տեղական ինքնակառավարման մասին», «Երևան քաղաքում տեղական ինքնակառավարման մասին» օրենքներում փոփոխությունների նախագծին. նպատակը համայնքի համար միջնաժամկետ ծախսերի ծրագրերի կազմման գործընթացի օրենսդրական կարգավորումն է:
Էկոնոմիկայի նախարար Վահան Քերոբյանն ընդգծեց, որ այս գործընթացը խոշոր ռեֆորմ է: «Երբեմն մեզ ասում են, որ մենք ռեֆորմներ չենք անում, բայց սա խոշոր ռեֆորմ է, և արդյունքում մենք հանրային ներդրումների արդյունավետությունը կտրուկ բարձրացնում ենք», – ասաց նա:
«Էդ ո՞վ է ասում, որ մենք ռեֆորմներ չենք անում», – հետաքրքրվեց Նիկոլ Փաշինյանը:
«Ուզում եմ հիշեցնել, որ երեկվանից ուժի մեջ է մտել հանրային սնսնդի օբյեկտներում ծխելու արգելիք մասին որոշումը, որը կարևորագույն ռեֆորմ է: Այս բոլոր ռեֆորմները չունեն միայն մեկ ուղղություն, դրանք և՛ քաղաքակրթական են, և՛ առողջապահական են, և՛ կառավարչական:
Ես հիմա հետևում եմ, թե ինչ արձագանքներ կան առաջիկայում սպասվելիք ռեֆորմի վերաբերյալ, որը վերաբերում է հանրային սննդի կետերում աղի օգտագործման չափանիշին: Դա հիմնականում հումորի թեմա է դառում, որովհետև ոչ բոլորը գիտեն, թե, ստանդարտները գերազանցելով, աղի օգտագործումն ինչ ազդեցութուն է ունենում հանրային առողջության վրա»,- նշեց Փաշինյանը՝ հավելելով՝ առողջ ապրելակերպը պետք է լինի մեր ռազմավարական մոտեցումը, և մենք գնալու ենք այս ճանապարհով:
Մանրամասները՝ տեսանյութում:
