26.11.2024 | 23:20
Ադրբեջանում պահեստազորի սպաները բողոքի ակցիա են անցկացրել՝ պահանջելով իրենց հասանելիք վճարումները
Լավրովը հայտարարել է, որ Ուկրաինայի հետ բանակցություններում փոխզիջման հույս կա
Քաղաքականություն
16.03.2022 | 14:06
Ռուսական կողմը նշում է, որ Ուկրաինայի հետ բանակցությունները հեշտ չեն ընթանում, սակայն փոխզիջման հասնելու որոշակի հույս կա։ Այս մասին ՌԲԿ-ի հետ հարցազրույցում հայտարարել է ՌԴ ԱԳ նախարար Սերգեյ Լավրովը, փոխանցում է ՏԱՍՍ-ը։
«Ես հիմնվում եմ այն գնահատականների վրա, որոնք փոխանցում են մեր բանակցողները։ Նրանք նշում են, որ բանակցությունները, հասկանալի պատճառներով, հեշտ չեն ընթանում, այնուամենայնիվ, փոխզիջման հասնելու որոշակի հույս կա։ Այդպիսի գնահատականներ են տալիս նաև ուկրաինական պատվիրակության որոշ ներկայացուցիչներ, այդ թվում՝ Ուկրաինայի նախագահի գրասենյակի աշխատակիցները»,- ասել է Լավրովը։
Նա նաև կոչ է արել ՌԴ-ի և Ուկրաինայի բանակցողներին հանգիստ միջավայրում աշխատելու հնարավորություն տալ։
Լավրովը, միաժամանակ, հույս է հայտնել, որ հնարավոր կլինի համաձայնության գալ Ուկրաինայի չեզոք կարգավիճակի շուրջ։
Էմմա Չոբանյան
