27.03.2026 | 23:30
Պորտուգալիայում քահանաների կողմից սեռական բռնության զոհերին ավելի քան 1,6 միլիոն եվրո փոխհատուցում է հատկացվել
Բաքուն մտադիր է Արցախում հողմային և արևային էլեկտրակայաններ կառուցել․ ԱՄԷ-ի հետ հուշագիր է ստորագրվել
Քաղաքականություն
15.03.2022 | 17:10
Ադրբեջանի նախագահ Իլհամ Ալիևի մասնակցությամբ այսօր տեղի է ունեցել Ղարաբաղի արևային էլեկտրակայանի հիմնարկեքը, որն Ադրբեջանում կառուցելու է էմիրություննների Masdar ընկերությունը, գրում են ադրբեջանական լրատվամիջոցները։ Հաղորդվում է, որ ԱՄԷ-ն և Ադրբեջանը պայմանավորվել են ընդլայնել համագործակցությունն էներգետիկ ոլորտում։
Այդ նպատակով Բաքվում ստորագրվել է 4 փաստաթուղթ, որոնցից մեկն առնչվում է Արցախի գրավյալ տարածքներին՝ «Փոխըմբռնման հուշագիր «Ղարաբաղում և «Արևելյան Զանգեզուրում» վերականգնվող և մաքուր էներգիայի ոլորտում համագործակցության վերաբերյալ»։
Ադրբեջանի էներգետիկայի նախարար Փարվիզ Շահբազովը հայտարարել է, որ այս հուշագրի շրջանակում աշխատանքները տարվելու են երեք ուղղություններով։ «Ղարաբաղը էներգետիկ մեծ ներուժ ունի։ Այդ տարածաշրջանի բոլոր էլեկտրակայանները հասանելի կունենան էներգիայի վերականգնվող աղբյուրներին:Մենք նաև դիտարկում ենք հնարավորությունը Քարվաճառ-Լաչին գոտում 100ՄՎտ հզորությամբ հողմային էլեկտրակայան կառուցելու, Ղարաբաղում տների վրա արևային մարտկոցներ տեղադրելու, առնվազն 200 ՄՎտ հզորությամբ արևային էլեկտրակայան կառուցելու հնարավորությունը»,- ասել է Շահբազովը։
Էմմա Չոբանյան
