06.08.2026 | 10:30
Նիկոլ Փաշինյանը մեկնել է Ղրղզստան՝ մասնակցելու Եվրասիական միջկառավարական խորհրդի նիստին
Ջրային ոլորտում լրջագույն խնդիրներ կան. Գնել Սանոսյան․ ՏԵՍԱՆՅՈՒԹ
Տնտեսություն
15.03.2022 | 15:45
ԱԺ ֆինանսավարկային և բյուջետային հարցերի և ԱԺ տարածքային կառավարման, տեղական ինքնակառավարման, գյուղատնտեսության և շրջակա միջավայրի պահպանության հարցերի մշտական հանձնաժողովների համատեղ նիստում քննարկվեց ՀՀ հաշվեքննիչ պալատի՝ ՀՀ տարածքային կառավարման և ենթակառուցվածքների նախարարության ջրային կոմիտեում ՀՀ 2021 թվականի պետական բյուջեի ինն ամիսների կատարման հաշվեքննության արդյունքների վերաբերյալ ընթացիկ եզրակացությունը։
Տարածքային կառավարման և ենթակառուցվածքների նախարար Գնել Սանոսյանի դիտարկմամբ՝ ջրային ոլորտում լրջագույն խնդիրներ կան: «Ոլորտում երկար տարիներ կան արատավոր խնդիրներ՝ պայմանավորված օբյեկտիվ և սուբյեկտիվ պատճառներով: Կա նաև կլիմայական պայմանների ակնհայտ փոփոխություն, օրինակ՝ ես մեծացել եմ մի գյուղում, որտեղ կար գետ, իսկ այժմ այդ գետում այլևս ջուր չկա: Կամ, օրինակ, երեք տարի է՝ Իջևանում ձյուն չէր գալիս, այս տարի առաջին անգամ ձյուն եկավ: Իրողությունը սա է, պետք է հաշվի առնենք նաև կլիմայական հանգամանքները»,- նշեց Սանոսյանը:
Նախարարը խնդիրների լուծման երեք ուղղություն նշեց. «Մեկը ոռոգման համակարգը հնարավորինս բարելավելն է, որպեսզի ջրի կորուստ քիչ ունենանք, երկրորդը ջրամբարաշինությունն է, որ կարողանանք ջուրը կուտակել, քանի որ գնալով սեզոնային խնդրները շատանում են, և երրրոդը՝ կառուցվածքային փոփոխությունն է, որ այս համակարգում պետք է արվի»:
«Հիմա այս խնդիրների լուծման ուղղությամբ ենք գնում,- հավելեց Սանոսյանը: -Անելիք ունենք նաև գյուղոլորտի գործընկերների հետ, որոշ տեղերում մշակաբույսերը պետք է փոխել»:
Մանրամասները՝ տեսանյութում:
