08.06.2026 | 15:44
Պեսկովը հայտարարել է, թե Կրեմլն արձանագրում է Հայաստանում ընտրախախտումների մասին հաղորդագրությունները
Ադրբեջանական կողմը հրադադարի պահպանման ռեժիմը շարունակում է խախտել․ օգտագործվում են ականանետեր և խոշոր տրամաչափի հրաձգային զենքեր․ Արցախի ՆԳՆ
11.03.2022 | 19:19
Ադրբեջանական կողմը հրադադարի պահպանման ռեժիմը շարունակում է խախտել Ասկերանի շրջանի Խրամորթ, Փառուխ և Խնապատ գյուղերի ուղղություններով՝ խաղաղ բնակչության նկատմամբ օգտագործելով ականանետեր և խոշոր տրամաչափի հրաձգային զենքեր։ Այս մասին տեղեկացնում են Արցախի ՆԳՆ-ից։
Ակնհայտ է, որ խաղաղ բնակչությանը թիրախավորելու և ականանետով գյուղերն արկակոծելու հերթական փորձերը նպատակաուղղված են առաջնահերթորեն խուճապ առաջացնելու հասարակության շրջանում:
ԱՀ ՆԳ նախարարությունը հետևում է իրադարձությունների զարգացմանը և պարբերաբար տեղեկատվություն կտրամադրի իրավիճակի մասին: Միաժամանակ հորդորում ենք բոլոր լրատվամիջոցներին հետևել միայն պաշտոնական տեղեկատվությանը:
