06.10.2026 | 15:55
Կառլոս Ալկարասը` Տոկիոյի մրցաշարի հաղթող. ՏԵՍԱՆՅՈՒԹ
Արցախի հայաթափումն ու էթնիկ զտումն է Ադրբեջանի գլխավոր քաղաքականությունը․ ԱՀ ՄԻՊ․ ՏԵՍԱՆՅՈՒԹ
Քաղաքականություն
11.03.2022 | 11:07
Ադրբեջանի կողմից հայերի նկատմամբ սիստեմատիկ և ուղղորդված կերպով իրականացվում է հայատյաց քաղաքականություն՝ էթնիկ և կրոնական հիմքով: Այդ քաղաքականությունը հետապնդում է կոնկրետ նպատակ։ «Ադրբեջանի էթնիկ ատելության քաղաքականության դրսևորումներն ու հետևանքները» թեմայով առցանց քննարկման ժամանակ այս մասին նշեց Արցախի Հանրապետության ՄԻՊ Գեղամ Ստեփանյանը:
«Դա ինքնանպատակ չի արվում, այլ իր առջև ունի դրած խնդիր։ Եվ այդ խնդիրը հետզհետե լուծելու ճանապարհով է շարժվում Ադրբեջանը:
Ադրբեջանի նպատակն առաջին հերթին թիրախավորում է Արցախի հայաթափումը և Արցախում էթնիկ զտում իրականացնելը»,- նշեց Ստեփանյանը՝ հավելելով, որ դա արվել է նաև խորհրդային տարիներին։
Արցախի ՄԻՊ-ի խոսքով` Արցախյան առաջին պատերազմից հետո, երբ կնքվեց հրադադարը, կարծես թե Արցախի անվտանգությունը և բնակիչների կյանքի իրավունքի ապահովումը սեփական ուժերով հնարավոր եղավ ապահովել, բայց դրանից հետո ավելի մեծ թափ ստացավ Ադրբեջանի հայատյացության քաղաքականությունը:
«Դա մտավ դպրոցներ, կոնկրետ ուղղորդված տարբեր միջոցառումներ էին կազմակերպվում, ամեն գնով արվեց այնպես, որ Ադրբեջանում դաստիարակվի մի սերունդ, որը բառացիորեն ատում է և չի հանդուրժում հայ մարդուն, ընդ որում, հայ քրիստոնյա մարդուն, որովհետև երկու բաղադրիչները կան` և էթնիկ ատելությունը, և կրոնական»,- ընդգծեց Ստեփանյանը:
Արցախի ՄԻՊ-ը նշեց, որ 44-օրյա պատերազմի ընթացքում այդ ատելությանն ականատես եղան, որովհետև ադրբեջանցիները ոչ միայն դաժանորեն սպանում և խոշտանգում էին հայ զինվորներին, այլ նաև պղծում էին հայկական քրիստոնեական ժառանգությունը:
Մանրամասները՝ տեսանյութում:
