09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Արդյո՞ք ռուս խաղաղապահները փակել են ադրբեջանական ավտոշարասյուների տեղաշարժը․ Դավիթ Բաբայանի մեկնաբանությունը
09.03.2022 | 19:02
Այսօր համացանցում տեղեկություններ էին տարածվել, որ ռուս խաղաղապահներն Արցախի տարածքում փակել են ադրբեջանական ավտոշարասյուների բոլոր տեղաշարժերը։ Ըստ տեղեկությունների՝ դա արվել է ի պատասխան վերջին օրերին Ադրբեջանի կողմից իրականացվող սադրանքների։ Մասնավորապես, ադրբեջանական կողմը թույլ չի տալիս նորոգել Շուշիի մոտ պայթեցված Արցախ եկող գազատարը, կրակում է Խրամորթ ու Նորշեն գյուղերի ուղղությամբ։
Factor.am-ը փորձեց տեղեկությունը ճշտել Արցախի արտգործնախարար Դավիթ Բաբայանից։ Վերջինս ասաց, որ նման տեղեկության չի տիրապետում․ «Ես չեմ կարող այդ տեղեկությունը որևէ կերպ հաստատել կամ հերքել, այդ գործընթացը մեր իրավասության մեջ չի մտնում, չեմ կարող որևէ բան ասել, անձամբ ես նման տեղեկություններ չունեմ»։
Այսօր նաև տեղեկություններ էին շրջանառվում, թե ռուս խաղաղապահների մի մասը,իբր, կտեղափոխվի Ուկրաինա՝ օգնելու ռուսական բանակին։
Դավիթ Բաբյանն ասաց՝ չի կարծում, որ կարող է այդպիսի բան լինել․ «Խաղաղապահների թվաքանակն այստեղ հարյուր հազարավոր չէ, որ տեղափոխվեն։ Այդ տեղեկությունները Արցախում խուճապային տրամադրություն ստեղծելու համար են»,- ընգդծեց Բաբայանը։
Արփի Հակոբյան
