08.12.2025 | 22:05
ԵՄ յոթ երկրներ պնդում են Կիևին փոխհատուցման վարկ տրամադրելու հարցում
«Փաշինյանը կոմպրոմիսի ավելի մեծ դաշտ ունի». քաղաքագետը՝ Սարգսյան-Փաշինյան երկխոսության մասին
Քաղաքականություն
21.04.2018 | 14:33
Քաղաքագետ Երվանդ Բոզոյանի կարծիքով՝ Սերժ Սարգսյանը Նիկոլ Փաշինյանին երկխոսության հրավեր է արել ձևի համար։
«Այլ խնդիր, որ արյունահեղությունից խուսափելու համար հարթակ է պետք։ Դա կարող է լինել կաթողիկոս Արամ Ա-ի հարթակում, քանի որ նա հեղինակություն է համարվում։ Երկու կողմն էլ պիտի հասկանա, որ կոշտ դիրքորոշումը վատ է լինելու։ Մյուս կողմից՝ Սերժ Սարգսյանի հանդեպ ոչ մի վստահություն չկա, քանի որ 10 տարվա ընթացքում շատերին է խաբել»,- ասում է քաղաքագետը։
Այն հարցին, թե ո՞րը պիտի լինի «Քայլ արա, մերժիր Սերժին» շարժման առաջնորդ Նիկոլ Փաշինյանի արձագանքը Սերժ Սարգսյանի երկխոսության հրավերին, պարոն Բոզոյանը նկատեց․ «Նիկոլը հիմա էյֆորիայի մեջ է, նա պետք է արձագանքի ոչ թե Սերժ Սարգսյանի հրավերին, այլ՝ իշխանության: Նիկոլ Փաշինյանը պետք է ոչ թե խոսի ինչ-որ անօրինական կառույցի փակումից, այլ այն բանից, ինչ երեկ ասել է։ Հանգուցալուծումը բոլոր դեպքերում պետք է խաղաղ լինի։ Նիկոլ Փաշինյանը կոմպրոմիսի ավելի մեծ դաշտ ունի, բայց իր կողմնակիցները կարող են նրան մղել ռադիկալ լուծումների, ինչը լավ չի լինելու։ Էդ պատճառով եմ ասում, որ երկխոսությունը պետք է ունենա վստահություն ներշնչող հարթակ, որտեղ երկուսն էլ հանգիստ կխոսեն ելքերից»։
