10.10.2026 | 15:55
Հոկտեմբերի 13-ից Հայաստանում սպասվում է անձրև և ամպրոպ
ՄԻՊ-ը` Փաշինյանի վերջին աղմկահարույց ելույթի մասին. ՏԵՍԱՆՅՈՒԹ
Քաղաքականություն
03.03.2022 | 13:48
ՀՀ մարդու իրավունքների պաշտպան Քրիստինե Գրիգորյանն անթույլատրելի է համարում ԱԺ-ում պատգամավորների և կառավարության անդամների բառապաշարը։
Նա այս մասին ասաց լրագրողների հետ զրույցում` պատասխանելով հարց թե ինչ գնահատական կտա երեկ ԱԺ – Կառավարություն հարցուպատասխանի ժամանակ տեղի ունեցած միջադեպին և վարչապետ Նիկոլ Փաշինյանի աղմկահարույց ելույթին:
«Ընդհանրապես մեր երկրում և Ազգային ժողովում սուր է արտահայտվում քաղաքական բանավեճը, ընդ որում` երկուստեք։ Այն շատ բևեռացված է, ու անթույլատրելի բառապաշար է օգտագործվում։ Ինքս ընտրության ընթացքում առաջարկել եմ ատելության խոսքի հակազդման ուղղված քննարկումներ անցկացնել ԱԺ պատգամավորների, կառավարության ներկայացուցիչների և առհասարակ քաղաքական գործիչների մասնակցությամբ, որպեսզի նիստերի դահլիճում բառապաշարի հետ կապված կանոններ սահմանվեն»,- նշեց Գրիգորյանը։
Նորընտիր ՄԻՊ-ն ընդգծեց, որ ինքը լարվում է ոչ թե հնչող բառերից, այլ երևույթից. «Ունենք խնդիր և հիմա այդ ուղղությամբ մեծ աշխատանք կա անելու»։
Մանրամասները՝ տեսանյութում:
