18.12.2025 | 18:56
Միրզոյանը Շեկերինսկայի հետ քննարկել է ՀՀ–ՆԱՏՕ համագործակցության խորացումն ու նոր գործընկերային օրակարգը
Մարդիկ չեն սկսո՞ւմ ավելի շատ ձու սպառել, էժա՛ն է. Փաշինյան. ՏԵՍԱՆՅՈՒԹ
Հասարակություն
03.03.2022 | 12:04
«Ոչ թե գերիշխող դիրքի չարաշահում, այլ շղթայական ռեակցիա»,- ՀՀ Մրցակցության պաշտպանության հանձնաժողովի նախագահ Գեղամ Գևորգյանն այսօր ՀՀ կառավարության նիստում այսկերպ մեկնաբանեց հայաստանյան ձվի շուկայում ստեղծված իրավիճակը։
«Այս տարվա դեպքը կրում էր առանձնահատուկ բնույթ, որովհետև գնիջեցումը տեղի էր ունեցել փոքր տնտեսվարող սուբյեկտի կողմից, ում մասնաբաժինը շուկայում չի գերազանցում 5 տոկոսը, ու շղթայական ռեակցիա էր տվել։ Այսինքն` տնտեսվարող սուբյեկտը գործել է մեկ սուպերմարկետում, որտեղ գինն իջել է, առաքիչների միջոցով այլ տեղերում գինը ևս իջել է ու շղթայական ռեակցիա է տվել։ Չի կարող կայացած շուկայում փոքր տնտեսվարող սուբյեկտը նման փոփոխություն անել»,- նշեց Գևորգյանը։
ՄՊՀ նախագահը նաև վստահեցրեց, որ Զատկի տոնին ընդառաջ ձվի շուկայում գների կտրուկ բարձրացում չի սպասվում, քանի որ ներքին շուկայում կա ձվի արտադրության ավելցուկ` պրոֆիցիտ։ Գեղամ Գևորգյանի խոսքով, հենց այս հանգամանքն էլ ժամանակ առ ժամանակ ձվի շուկայում գնիջեցման է հանգեցնում։
«Մարդիկ չեն սկսո՞ւմ ավելի շատ ձու սպառել, էժա՛ն է»,- հետաքրքվեց վարչապետ Նիկոլ Փաշինյանը: – Մտավախությունն այն է, որ էժանացման պայմաններում արտադրությունները կսկսեն նազել շահութաբեր չլինելու պատճառով և ձվի շուկայում թռիչք կլինի: Այնպես որ որպեսզի ձվի գինը պահենք նորմալ մակարդակի վրա երևի սկսենք ավելի շատ ձու սպառել»:
Մանրամասները՝ տեսանյութում:
