Քաղաքականություն
01.03.2022 | 12:20«Պատրանք է ստեղծվում, թե իբր աջ թևում նստած հայտնի հերոսի ջատագովները և կամակատարները հանկարծ որոշել են թևերը քշտած խորհրդարանական գործունեության լծվել, մենք էլ չենք ուզում»,- այսօր՝ մարտի 1-ին, ԱԺ հերթական նիստում հայտարարեց «Քաղաքացիական պայմանագիր» խմբակցության պատգամավոր Վիգեն Խաչատրյանը:
Դիմելով ընդդիմադիր գործընկերներին՝ Խաչատրյանն ասաց. «Դուք չեք ուզում, որ այդ օրենքները ընդունենք, դուք ուզում եք այստեղ գալ ասել՝ ժողովո՛ւրդ, տեսեք, մենք լավ բան ենք մտածել, իսկ մեծամասնությունը ձեր մասին չի ուզում մտածել»:
Պատգամավորը հավելեց, որ մարզային այցերի ժամանակ իրեն կշտամբում են. «Ասում են՝ ինչու եք ժամանակ կորցնում դրանց պատասխանելով, գոռացե՛ք դահլիճում, ասեք ձեր գործը չէ: Եվ պահանջում են լինել ժողովրդավար»:
«Ձեր «քոք» մաշացնելու քաղաքականության էջը փակե՛ք, չի՛ աշխատում: Եթե դուք ուզում եք որ ձեր նախաձեռնություններն իրականություն դառնան, աշխատեք մեզ հետ, ոչ թե բերեք հանձնաժղովի նիստերում շոուներ սարքեք: Աշխատանքային քննարկումներ կազմակերպեք, տեսնենք ձեր նպատակն ինչ է, կաջակցենք ձեզ»,-ընդգծեց Խաչատրյանը:
Մանրամասները՝ տեսանյութում:
