10.10.2026 | 19:12
Ֆուտբոլի Հայաստանի հավաքականը հոկտեմբերի 14-17-ը մարզական հավաք կանցկացնի. Մ-17
Եղվարդի խճուղում «GAZ-24»-ը բախվել է արտաքին լուսավորման սյուներին. կան տուժածներ
28.02.2022 | 23:58
Փետրվարի 28-ին, ժամը 21:35-ին Կոտայքի մարզային ճգնաժամային կառավարման կենտրոն ահազանգ է ստացվել, որ Զովունի գյուղի հուշարձանի մոտակայքում տեղի է ունեցել ՃՏՊ․ կա երկու տուժած:
Դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ և Փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական խումբը:
Պարզվել է, որ Եղվարդի խճուղում «GAZ-24» մակնիշի ավտոմեքենան դուրս է եկել ճանապարհի երթևեկելի հատվածից և բախվել ճամփեզրի էլեկտրական և արտաքին լուսավորման սյուներին:
Մինչ փրկարարների կանչի վայր հասնելը՝ երկու տուժած տեղի ուժերով դուրս են բերվել ավտոմեքենայից և տեղափոխվել «Արմենիա» ՀԲԿ. Ա. Մ.-ն (ծնված 1956 թ․) մահացել է, իսկ Ա. Մ.-ի (ծնված 1959 թ․) առողջական վիճակը բժիշկները գնահատել են ծանր:
Փրկարարները հոսանքազրկել են ավտոմեքենան, փակել գազի բալոնի փականը և իրականացրել հերթապահություն:
