04.06.2026 | 17:46
Ալեքսան Ալեքսանյանին օժանդակելու գործով 25 անձ ձերբակալվել է․ ՔԿ
Կիևում ամբողջ գիշեր օդային հարձակումներ են եղել․ ձայները դեռ լսվում են․ Ուկրաինայի հայերի միության փոխնախագահ
Քաղաքականություն
26.02.2022 | 15:37
Կիևի տարբեր հատվածներում ամբողջ գիշեր օդային հարվածներ են եղել, մինչև հիմա էլ շարունակվում են, ձայները լսվում են․ Factor.am-ի հետ զրույցում ասաց Ուկրաինայի հայերի միության փոխնախագահ Դավիթ Մկրտչյանը։
Ըստ նրա՝ ռուսական կողմը հիմնականում ռազմական ենթակառուցվածքներին է խփում, բայց առավոտյան նաև մեկ բնակելի շենք է վնասվել հրթիռի հարվածից։
Թե Կիևից քանի հայ է տարհանվել՝ դեռևս անհայտ է։ Ուկրաինայի հայերի միության փոխնախագահն ասաց՝ շատերն են դուրս եկել դուրս եկել քաղաքից տարբեր ուղղություններով։
Հիշեցնենք, որ Ռուսաստանի հարձակումն Ուկրաինայի վրա սկսվել է հինգշաբթի։ Ռազմական գործողություններն արագորեն տարածվել են գրեթե ամբողջ երկրով. ռուսական ուժերը գրոհում են ոչ միայն ցամաքով, այլև ծովով և օդով:
Արփի Հակոբյան
