10.10.2026 | 14:49
Վանաձորում, Հրազդանում, Արարատում և Գյումրիում փոշու պարունակությունը գերազանցել է թույլատրելի սահմանը
ՀՀ ԱԳՆ-ն հյուրընկալել է ԵԽ-ի Ազգային փոքրամասնությունների պաշտպանության կոմիտեի պատվիրակությանը
25.02.2022 | 20:22
Փետրվարի 25-ին ՀՀ ԱԳ նախարարի տեղակալ Վահե Գևորգյանն ընդունեց 5-րդ մոնիթորինագային այցով Հայաստան ժամանած՝ Եվրոպայի խորհրդի Ազգային փոքրամասնությունների պաշտպանության շրջանակային կոնվենցիայի (FCNM) Խորհրդատվական կոմիտեի նախագահ Մարի Հագսգարդին, պատվիրակության անդամներ՝ Գորան Բեջիչին և Օլիվեր Լուդին: Պատվիրակությանն ուղեկցում էին ԵԽ քարտուղարության անդամները, հայտնում են ԱԳՆ-ից։
Հանդիպման ընթացքում մտքեր փոխանակվեցին ԵԽ Ազգային փոքրամասնությունների պաշտպանության շրջանակային կոնվենցիայի իրականացման՝ Հայաստանի 5-րդ զեկույցի հանձնարարականների կատարման վերաբերյալ:
Այցի շրջանակներում ԵԽ պատվիրակությունը հանդիպումներ է ունեցել Ազգային ժողովում, շահագրգիռ պետական կառույցների ներկայացուցիչների հետ, այցելել է Արարատի, Արմավիրի մարզեր՝ ազգային փոքրամասնությունների հետ քննարկելու նրանց իրավունքների պաշտպանությանն առնչվող հարցեր:
