19.11.2024 | 23:34
Ինչ են քննարկել Հայաստանի և Գերմանիայի ԱԳ նախարարները
Օմիկրոնի BA2 ենթատեսակն ամենավտանգավորն է և ՀՀ-ում արդեն ունենք. Ռոմելլա Աբովյան․ ՏԵՍԱՆՅՈՒԹ
22.02.2022 | 12:29
Թեև վիճակագրական տվյալներով ունենք նոր դեպքերի նվազում, սակայն համաճարակային իրավիճակը դեռևս լարված է: Այդ մասին այսօր հրավիրված ասուլիսի ընթացքում նշեց ՀՀ ԱՆ հիվանդությունների վերահսկման և կանխարգելման ազգային կենտրոնի վարակիչ և ոչ վարակիչ հիվանդությունների համաճարակաբանության վարչության պետ Ռոմելլա Աբովյանը:
«Այսօր մենք չենք կարող առկա իրավիճակը գնահատել առկա տվյալներով, քանի որ բոլորս տեսնում ենք, որ թեստավորում գրեթե չի կատարվում»,- նշեց նա՝ հավելելով, որ եթե ընտանիքում առկա է մեկ հաստատված կորոնավիրուսային հիվանդությամբ պացիենտ, ապա ընտանիքի մյուս անդամները, ունենալով ախտանշաններ, չեն թեստավորվում:
«Առաջին անգամ է, որ մենք չենք կարողանում գնահատել իրական իրավիճակը մեր ունեցած վիճակագրական տվյալներով»,- ասաց Աբովյանը:
Նրա խոսքով՝ ամբողջ աշխարհում ևս լարված է իրավիճակը՝ պայմանավորված «Օմիկրոն» շտամով: Ընդհանուր առմամբ, Հայաստանում ևս շրջանառվում է «Օմիկրոն» շտամը:
««Օմիկրոնն» ունի երեք ենթատեսակ. առավել վտանգավոր և վարակիչ է գնահատվում BA.2 ենթատեսակը, որ ՀՀ-ում արդեն ունենք»,- ասաց Ռոմելլա Աբովյանը:
Մանրամասները՝ տեսանյութում:
