10.12.2025 | 22:58
Տեղի է ունեցել Նիկոլ Փաշինյանի և Համբուրգի քաղաքապետի հանդիպումը
Սովորում են 12 տարի, բայց կրթական մակարդակը հավասար է լինում 8.3 տարվա. փոխնախարար․ ՏԵՍԱՆՅՈՒԹ
Հասարակություն
21.02.2022 | 11:45
Բոլոր բնակավայրերում պետք է հասանելի լինեն մատչելի նախադպրոցական ծառայությունները, որ յուրաքանչյուր ընտանիք հնարավորություն ունենա օգտվելու այդ ծառայություններից: Այս մասին այսօր Կրթության զարգացման պետական ծրագրի նախագիծը ներկայացնելիս նշեց ԿԳՄՍ նախարարի տեղակալ Ժաննա Անդրեասյանը:
«Կառավարության ծրագրով նախատեսված է 2026թ. ապահովել նախադպրոցական հաստատություններում 3-5 տարեկան երեխաների ընդգրկվածության 85 տոկոս: Կարևորում ենք մսուրի ծառայության զարգացումը, որը պահանջում է առանձին ռեսուրսներ և մոտեցումներ»,- ասաց Անդրեասյանը:
Խոսելով հանրակրթության մասին՝ Անդրեասյանը շեշտեց նաև, որ ոչ մի երեխա չպետք է դուրս մնա պարտադիր կրթության համակարգից:
«Այսօր ունենք պարտադիր կրթության համակարգից դուրս մնացած երեխաների հայտնաբերման, ուղղորդման կարգ, որը միջգերատեսչական լուրջ աշխատանք է ենթադրում: Խոսքը ոչ միայն ֆորմալ, այլև արդյունավետ ընդգրկվածության մասին է:
Մեր երեխաները սովորում են 12 տարի, բայց կրթական արդյունքը հավասար է լինում 8.3 տարվա»,- ընդգծեց փոխնախարարը՝ հավելելով, որ իրականացվող ռազմավարության ժամկետի ավարտին այս ցուցանիշը նախատեսված է հասցնել 11,5 տարվա:
Մանրամասները՝ տեսանյութում:
