01.11.2024 | 23:19
Հրդեհ Գյումրու տներից մեկում
Նախարարի խորհրդական Գագիկ Մկրտչյանն ընտրվել է նորաստեղծ Եվրասիական ոսկերչական արտահանման բյուրոյի նախագահ
Տնտեսություն
18.02.2022 | 16:00
ԵՏՄ հարթակում ստեղծվել է Եվրասիական ոսկերչական արտահանման բյուրո, որը ձևավորել է իր կառավարման մարմինները և սկսել ակտիվ աշխատանքը. տեղեկացնում են ՀՀ Էկոնոմիկայի նախարարությունից:
Ոսկերչական բյուրոյի հիմնադիրների հանդիպման արդյունքներով հաստատվել են բյուրոյի կառավարման մարմինների թեկնածությունները, որոնք կզբաղվեն համաշխարհային շուկայում ինտեգրացիոն «հնգյակի» երկրների ոսկերչական արդյունաբերության զարգացմամբ և դիրքավորմամբ։
Բյուրոյի նախագահ (председатель) է ընտրվել ՀՀ էկոնոմիկայի նախարարի խորհրդական Գագիկ Մկրտչյանը։ Այդ թեկնածությունը ռոտացիոն սկզբունքով հաստատվում է 2 տարի ժամկետով՝ այբբենական կարգով։
Բյուրոյի հիմնադիրների ընդհանուր ժողովը Բյուրոյի նախագահ (президент) է ընտրել եվրասիական տարածքում հայտնի պետական գործիչ Կարինե Մինասյանին, ով նշանակալի ներդրում է ունեցել եվրասիական ինտեգրման գործընթացների խորացման և ոսկերչական միասնական եվրասիական շուկայի ստեղծման գործում։
Եվրասիական ոսկերչական կազմակերպությունը համաձայնեցված գործողությունների միջոցով զբաղվելու է ապրանքների արտահանումը խթանելու և ծավալներն ավելացնելու հարցերով։
Բյուրոն արդեն ակտիվորեն սկսել է մշակել եվրասիական ոսկերչական հովանոցային ապրանքանիշի (umbrella brending) ստեղծման հնարավորություններն ու պայմանները։
Եվրասիական ոսկերչական բյուրոն ինքնավար և անկախ մարմին է, որը որոշումներ է կայացնում՝ ելնելով իր հիմնադիրների և ոլորտի մասնակիցների դիրքորոշումից և շահերից:
