29.07.2026 | 14:27
Զելենսկին հայտնել է Ռյազանի և Պերմի նավթավերամշակման գործարաններին հարվածների մասին
Անհապաղ վերսկսել բանակցությունները․ Արցախի ԱԺ պատգամավորների կոչը՝ Մինսկի խմբին համանախագահներին. ՏԵՍԱՆՅՈՒԹ
Քաղաքականություն
18.02.2022 | 11:36
Ընթանում է Արցախի Ազգային ժողովի արտահերթ նիստը: Արցախի ԱԺ պատգամավորները կոչ են հղել ԵԱՀԿ Մինսկի խմբին՝ անհապաղ վերսկսել բանակցությունները:
«Միջազգային շահագրգիռ կառույցների և առաջին հերթին Մինսկի խմբի համանախագահ երկրների խորհրդարանների ուշադրությունն ենք հրավիրում այն հանգամանքի վրա, որ Արցախի հայ ժողովուրդը դարեր ի վեր պայքարել է իր ինքնությունը պահպանելու համար, ստեղծել է նյութական ու մշակութային աժեքներ, որոնք այսօր վտանգված են Ադրբեջանի կողմից Արցախի Հանրապետության որոշ տարածքների բռնազավթման հետևանքով:
Կոչ ենք անում Մինսկի խմբի համանախագահներին անհապաղ քայլեր ձեռնարկել ԵԱՀԿ-ից ստացած մանդատին համապատասխան՝ ղարաբաղյան հակամարտության լուծման ուղղությամբ բանակցային գործընթացը վերսկսելու համար:
Տարածաշրջանում խաղաղության և կայունության կարելի է հասնել միայն Արցախի Հանրապետության ժողովորդի հիմնարար իրավունքներն ու ազատությունները հարգելու ճանապարհով»,- նշված է ԱՀ ԱԺ պատգամավորների կոչում, այն ընթերցեց պատգամավոր Գեղամ Ստեփանյանը:
Արցախի Հանրապետության Ազգային Ժողովը 30 կողմ, 0 դեմ արդյունքներով՝ միաձայն ընդունեց «ԱՀ ԱԺ հայտարարությունը Արցախի վերածննդի օրվա կապակցությամբ»։
Մանրամասները՝ տեսանյութում:
