06.10.2026 | 22:54
Հայաստանի մի շարք հասցեներում էլեկտրաէներգիայի անջատումներ կլինեն
Արցախցիները փակել են ադրբեջանական շարասյան ճանապարհը․ Քարվաճառ ուղևորվող տեխնիկան հետ է դարձել. ՏԵՍԱՆՅՈՒԹ
17.02.2022 | 20:32
Ադրբեջանական ռազմական տեխնիկայի շարասյունն այսօր ստիպված է եղել հետ վերադառնալ եկած ճանապարհով, քանի որ Մարտակերտի Մազավուզ գյուղի մոտ տեղացիները փակել էին Քարվաճառ տանող ճանապարհը։ Արցախցիները նման կերպ իրենց բողոքն են արտահայտել ադրբեջանցիների կողմից հրադադարի խախտման վերջին դեպքերի առնչությամբ։
Ադրբեջանցիները վերջին օրերին կրակել էին ոչ միայն շփման գծի ուղղությամբ՝ վիրավորելով հայ զինծառայողի, այլև թիրախավորել էին խաղաղ բնակչությանը։ Օրեր առաջ ադրբեջանցիները կրակել էին Մարտակերտի շրջանում շփման գծի մոտ գտնվող հողամասում աշխատող հայ տրակտորիստի ուղղությամբ։
Ըստ Արցախի ԱԺ պատգամավոր Մետաքսե Հակոբյանի՝ խաղաղապահների ներկայությունը ոչ միայն չի զսպում ադրբեջանցիներին, այլև լինում են դեպքեր, երբ խաղաղապահները ստիպված իրենք են խնդրում գյուղացիներին դադարեցնել հողամասում աշխատանքները, որովհետև հասկանում են՝ ադրբեջանցիները կարող են ամեն պահի անկառավարելի դառնալ։
Մանրամասները՝ տեսանյութում։
Ռոզա Վարդանյան
