18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Գյումրիում Covid-19-ի դեմ պատվաստման կեղծ փաստաթուղթ են տվել 105 հոգու
Հասարակություն
17.02.2022 | 19:51
Շիրակի մարզում «Covid-19»-ի դեմ չպատվաստվելու, սակայն կեղծ փաստաթղթեր ձեռք բերելու փաստի առթիվ քննվում են երկու քրեական գործեր։ Դրանցից մեկն առնչվում է «Գյումրիի Ն.Մելիքյանի անվան թիվ 2 պոլիկլինիկա» ՓԲ ընկերությանը, մյուսը՝ «Գյումրիի Վ.Աբաջյանի անվան ընտանեկան բժշկության կենտրոն» պոլիկլինիկա ՓԲ ընկերությանը։ Այս մասին տեղեկացրել է Շիրակի մարզի դատախազ Գուրգեն Գրիգորյանը։
Ըստ նրա՝ քրեական գործի նախաքննությամբ պարզվել է, որ «Գյումրիի Վ.Աբաջյանի անվան ընտանեկան բժշկության կենտրոն» պոլիկլինիկա ՓԲԸ-ում ընդհանուր 105 ՀՀ քաղաքացիների սահմանված դեղատեսակներով և դեղաչափերով «Covid-19» համավարակի դեմ չպատվաստելու, սակայն կորոնավիրուսային հիվանդության դեմ ամբողջական պատվաստված լինելու հանգամանքը հավաստող կեղծ փաստաթղթեր են կազմել և շրջանառության մեջ դրել։
Դատախազի տեղեկացմամբ, «Գյումրիի Վ.Աբաջյանի անվան ընտանեկան բժշկության կենտրոն» պոլիկլինիկա ՓԲ ընկերությունում կոռուպցիոն բնույթի դրսևորումների առթիվ քննվող քրեական գործով մեղադրյալի դատավարական կարգավիճակ ունի 10 անձ։ Նրանց թվում է «Գյումրիի Վ.Աբաջյանի անվան ընտանեկան բժշկության կենտրոն» պոլիկլինիկա ՓԲԸ-ի նախկին տնօրենը:
Այս քրեական գործերով նախաքննությունը շարունակվում է: Ըստ մարզի դատախազի՝ ձեռնարկվում են համապատասխան միջոցառումներ՝ գումարի դիմաց չպատվաստված բոլոր անձանց ինքնությունները պարզելու ուղղությամբ:
Արմիկ Մովսիսյան
