10.10.2026 | 16:51
«Գալուստ Գյուլբենկյան» հիմնադրամի հոգաբարձուների խորհրդի նախագահն այցելել է Հայոց ցեղասպանության հուշահամալիր
Արցախի պետնախարարն այցելել է դատաբժշկական փորձաքննության բյուրո
16.02.2022 | 19:27
Փետրվարի 16-ին Արցախի Հանրապետության պետական նախարար Արտակ Բեգլարյանը և Առողջապահության նախարար Միքայել Հայրիյանը միասին այցելել են «Դատաբժշկական փորձաքննության բյուրո» ՊՈԱԿ։ Գործադիր տնօրեն Նելսոն Գրիգորյանը հակիրճ ներկայացրել է 2021թ․ բյուրոյի կատարած աշխատանքների վերաբերյալ հաշվետվությունը։ Այս մասին տեղեկանում ենք ԱՀ առողջապահության նախարարությունից։
Այցի շրջանակներում ամփոփվել է նախորդ տարվա ընթացքում կատարված աշխատանքների արդյունքները, դրանց կատարման տեմպերը և առկա խնդիրները։ Անձնակազմի հետ քննարկվել է բժշկական կադրերի ապահովման, անհրաժեշտ սարքավերումներով համալրման՝ որպեսզի իրականացվեն համապատասխան հետազոտություններ, ինչպես նաև մասնագետների վերապատրաստման հետ կապված մի շարք հարցեր։
Հանդիպման վերջում նախարար Մ․ Հայրիյանը պատասխանել է բուժաշխատողների հուզող հարցերին և տեղում տվել համապատասխան հանձնարարականներ ընթացիկ տարում իրականացնելիք աշխատանքների պատշաճ ընթացքի ապահովման վերաբերյալ։
