17.11.2024 | 18:22
Երևանում կկայանա աշխարհահռչակ շանսոնյե Շառլ Ազնավուրին նվիրված «Մսյո Ազնավուր» ֆիլմի պրեմիերան
Հինգ բնակարանային գողություն ու գողության փորձ էր արել. Տաշիրի ոստիկանների բացահայտումը
Հասարակություն
09.02.2022 | 17:13
Տաշիր քաղաքում նախորդ տարվա դեկտեմբեր ամսին հինգ բնակարանային գողություն ու գողության փորձ էր եղել: Ձեռագիրը նույնն էր: Տուն էին մտնում հիմնականում պատուհանով, գողանում բացառապես փող ու ոսկի։
Դեկտեմբերի 20-ին, օգտվելով այն հանգմանքից, որ տանտիրուհին դուռը բաց էր թողել, Ավետիսյան փողոցի մի տնից փող էին գողացել. տեղեկացնում են ՀՀ ոստիկանությունից:
Երեք օր անց Դպրոցականների փողոցի տներից մեկի պատուհանով ներս էին մտել և ննջարանից դարձյալ փող հափշտակել: Հաջորդ օրը նույն եղանակով Պուշկինի փողոցի մի տնից էին փող ու ոսկեղեն գողացել: Դեկտեմբերի 2-ին գաղտնի հափշտակության թիրախ էր դարձել Արցախի փողոցի մի տուն, որտեղից կրկին փող էին հափշտակել: Նույն օրը Կարեն Դեմիրճյան փողոցի մի տնից էին փորձել գողություն անել, բայց գործն ավարտին հասցնել չէր հաջողվել:
Տուժողներից ոմանք ոստիկանություն էին դիմել, ոմանք՝ ոչ:
Ձեռնարկված միջոցառումների արդյունքում Տաշիրի քրեական հետախույզները փաստական տվյալներ ձեռք բերեցին, որ գողությունները հնարավոր է արած լինի Տաշիր քաղաքի 42-ամյա մի բնակիչ:
Փետվարի 3-ին կասկածվողը բերման ենթարկվեց ոստիկանության Տաշիրի բաժին ու ներկայացվեց տարածքային նախաքննական մարմնին:
42-ամյա տղամարդուն մեղադրանք է առաջադրվել:
Նա կալանավորվել է:
Հանգամանքները նախաքննությամբ պարզվում են:
