19.11.2024 | 23:34
Ինչ են քննարկել Հայաստանի և Գերմանիայի ԱԳ նախարարները
Մենք փողոցով չենք եկել ու զավթել իշխանությունը. եղել են ընտրություններ. Նարեկ Բաբայան. ՏԵՍԱՆՅՈՒԹ
Քաղաքականություն
09.02.2022 | 14:41
«Եթե ժողովուրդն ինչ-որ բանից դժգոհ լինի և իր կամքն արտահայտի, արդյունքում կարող են արտահերթ ընտրություններ լինել»,- այս մասին Factor.am-ի հետ զրույցում նշեց «Քաղաքացիական պայմանագիր» խմբակցության պատգամավոր Նարեկ Բաբայանը՝ կարծիք հայտնելով, որ ժողովուրդը խորհրդարանական ընդդիմության հետ հույսեր չի կապում, թե նրանք կարող են դառնալ իշխող ուժ:
Անդրադառնալով ընդդիմության պնդումներին, թե փողոցով եկած ուժը փողոցով էլ պետք է հեռանա, և երբ կհավաքվի մարդկանց կրիտիկական զանգված ու հանրության մոտ կլինի պահանջարկ, հնարավոր կլինի իշխանությանը հեռացնել, Նարեկ Բաբայանը նշեց. «Մենք փողոցով չենք եկել և զավթել իշխանությունը, փողոցային պայքարի արդյունքում տեղի է ունեցել հրաժարական, տեղի են ունեցել արտահերթ խորհրդարանական ընտրություններ և վարչապետի ընտրություն՝ 2018-ին: 2020-ին էլ են ընտրություններ եղել, թեև փողոցի ճնշումը բնավ բավարար չենք համարել, բայց որպեսզի համոզվենք, թե ՀՀ քաղաքացիներն ինչ կարծիք ունեն, նախաձեռնել ենք ընտրություններ: Ինչ էլ որ լինի, խորհրդարանական ընտրություններ պետք է լինեն, և մարդիկ պետք է քվեարկեն այս կամ այն ուժերի օգտին, և հիմա թող այդ ուժերը մտածեն, թե ինչ ասելիք ունեն քաղաքացիներին»:
Մանրամասները՝ տեսանյութում:
