07.12.2025 | 18:30
Իրավիճակը՝ 18:10-ի դրությամբ․ հանրապետության որոշ հատվածներում ձյուն է տեղում, որոշներում՝ ձնախառն անձրև
Օմիկրոնը կլինի սովորական գրիպի վիրուսի նման. մարդիկ կհիվանդանան ու կլավանան. Նարեկ Զեյնալյան․ ՏԵՍԱՆՅՈՒԹ
02.02.2022 | 12:53
Կորոնավիրուսի դեպքերի թիվը շատ բարձր է, և դա մեծամասամբ օմիկրոն տեսակի շտամն է, որովհետև այն ունի բավականին մեծ տարածվածության ցուցանիշ, բայց դրան զուգահեռ մահաբերության ցուցանիշը խիստ ցածր է՝ այլ շտամների համեմատ: Այս մասին, այսօր ԱԺ-ում լրագրողների հետ զրույցում նշեց ԱԺ «Քաղաքացիական պայմանագիր» խմբակցության պատգամավոր Նարեկ Զեյնալյանը:
«Եթե նկատել եք, այդքան բարձր հիվանդացության ցուցանիշի դեպքում մահվան թվերը եզակի են: Ըստ էության, մենք գնում ենք այնպիսի վիճակի, որ սա կլինի սովորական վիրուս, ինչպիսին գրիպի սեզոնային վիրուսն է: Վստահ եմ, որ կգնա դրան, մարդիկ կհիվանդանան, կլավանան՝ սովորական հարբուխի տեսքով, և հոսպիտալացման կարիք մեծ մասամբ չի լինի»,- նշեց Զեյնալյանը:
Անդրադառնալով հարցին, թե որքանով են պատվաստումները արդյունավետ օմիկրոն շտամի դեպքում, Զեյնալյանը պատասխանեց, որ չի հանդիպել այդպիսի վիճակագրություն և չի կարող որևէ տեղեկատվություն տալ:
«Մենք Հայաստանում ունենք բնակչության մոտ 40 տոկոսի պատվաստվածություն 2 դեղաչափով, բայց սա բավական ցածր ցուցանիշ է, որպեսզի չունենանք վիրուսի տարածում: Սա ընդամենը օգնում է, որ հոսպիտալացման դեպքերը պակասեն: Քանի դեռ չունենք 90 և ավել տոկոս պատվաստում, մենք ունենալու ենք համաճարկային իրավիճակ»,- ընդգծեց պատգամավորը՝ հավելելով, որ եղած սահմանափակումները բավարար են, որ վերահսկելի պահեն վիրուսի տարածումը:
Մանրամասները՝ տեսանյութում:
