19.11.2024 | 23:34
Ինչ են քննարկել Հայաստանի և Գերմանիայի ԱԳ նախարարները
Քարվաճառում մոլորված Ադրբեջանի բանակի սպային մահացած են գտել
Քաղաքականություն
31.01.2022 | 16:00
Արցախի գրավյալ Քարվաճառում հունվարի 29-ին կորած Ադրբեջանի ԶՈՒ սպա Ֆուադ Բաղիրովի մարմինն է հայտնաբերվել։ Այս մասին հայտնում են ադրբեջանական լրատվամիջոցները՝ վկայակոչելով ՊՆ-ին։
Նշվում է, որ ավագ լեյտենանտ Ֆուադ Բաղիրովի դին հայտնաբերվել է հունվարի 31-ին ժամը 12։30-ի սահմաններում։
Նշենք, որ եղանակային պայմանների կտրուկ փոփոխությունների ու ձնաբքի պատճառով հունվարի 29-ին Արցախի գրավյալ Քարվաճառում՝ Հայաստանի հետ սահմանին գտնվող Ալագելեր կոչվող հատվածում, ադրբեջանցի 4 զինծառայող էր մոլորվել։ Կրտսեր սերժանտ Ջավադ Հուսեյնովին, շարքայիններ Յասին Քերիմովին և Մաշալլահ Հուսեյնովին հայտաբերել և տեղափոխել էին զինվորական հոսպիտալ։
Հավելենք, որ վերջին շրջանում Ադրբեջանի բանակում կորուստների աճ է նկատվում։ Միայն հունվարին 11 զինծառայող է մահացել։
Էմմա Չոբանյան
