30.03.2026 | 11:48
Ջորջիո Պուլասն Արման Ծառուկյանին վճարել է պարտված գրազը՝ 10 հազար դոլար․ ՏԵՍԱՆՅՈՒԹ
Սաակաշվիլիի կուսակցությունը հայտարարել է խորհրդարանական բոյկոտը դադարեցնելու մասին
Քաղաքականություն
31.01.2022 | 15:11
Վրաստանի նախկին նախագահ Միխեիլ Սաակաշվիլիի ընդդիմադիր «Միացյալ ազգային շարժում» կուսակցությունը դադարեցնում է 2021 թվականի հուլիսին հայտարարված խորհրդարանում աշխատանքի բոյկոտը։ Այս մասին ճեպազրույցում հայտարարել է խմբակցության նախագահ Խաթիա Դեկանոիձեն, գրում է ՏԱՍՍ-ը։
«Դեռ շաբաթ օրը հանդիպման ժամանակ մենք որոշեցինք, որ «Միացյալ ազգային շարժումը՝ «Ուժ միասնության մեջ» խմբակցությունը կմասնակցի խորհրդարանական գարնանային նստաշրջանի աշխատանքներին և կդադարեցնի բոյկոտը»,- ասել է Դեկանոիձեն։
Հիշեցնենք՝ Վրաստանում խորհրդարանի գարնանային նստաշրջանը կսկսվի երեքշաբթի։ «Միացյալ ազգային շարժում» կուսակցությունը, որը 150 տեղանոց օրենսդիր մարմնում ներկայացված է 30 պատգամավորով, բոյկոտ էր հայտարարել 2021 թվականի հուլիսին, երբ Թբիլիսիում ավանդական արժեքների պաշտպանները ծեծի ենթարկեցին լրատվամիջոցների աշխատակիցներին, ովքեր պատրաստվում էին լուսաբանել ԼԳԲՏ համայնքի և նրանց կողմնակիցների ակցիան։
Տաթև Ֆռանգյան
