19.11.2024 | 23:34
Ինչ են քննարկել Հայաստանի և Գերմանիայի ԱԳ նախարարները
Հայաստանում Նիդերլանդների դեսպանը հայերեն ուղերձ է հղել․ ՏԵՍԱՆՅՈՒԹ
Քաղաքականություն
31.01.2022 | 11:05
Նիդերլանդների Թագավորությունը և Հայաստանի Հանրապետությունը նշում են դիվանագիտական հարաբերությունների հաստատման 30-ամյակը։ Այս առիթով հայերեն տեսաուղերձ է հրապարակել ՀՀ-ում Նիդերլանդների Թագավորության դեսպան Նիկո Սխերմերսը։
ՀՀ-ում Նիդերլանդների դեսպանության հաղորդմամբ՝ Նիդերլանդները և Հայաստանը 30 տարիների ընթացքում զարգացրել են արդյունավետ համագործակցություն, որը հիմնված է ժողովրդավարության, մարդու իրավունքների պաշտպանության և օրենքի գերակայության ընդհանուր արժեքների վրա։
2020 թվականին երկրների միջև հարաբերությունները նոր մակարդակ են արձանագրել Հայաստանում Նիդերլանդների մշտական ներկայացուցչության հաստատմամբ։ Երկու երկրների միջև համագործակցությունը զարգանում է և ուղղված է ավելի շատ դրական արդյունքների՝ բիզնեսի զարգացման, գյուղատնտեսության, ՏՏ, զբոսաշրջության, ինչպես նաև մարդու իրավունքների պաշտպանության, գենդերային հավասարության աջակցության, օրենքի գերակայության ամրապնդման ոլորտներում։
