08.08.2026 | 15:38
Ողջույն Հայաստան. NVIDIA-ի հիմնադիր Ջենսեն Հուանգը շնորհավորել է Firebird-ի ԱԲ գործարանի բացման առիթով
«Մշակութային կանգառ». Երևանի պարարվեստի պետական քոլեջի սաների համերգը՝ ՀՀ Կոտայքի մարզում
Մշակույթ
20.06.2017 | 13:07
ՀՀ մշակույթի նախարարության «Մշակութային կանգառ» ծրագրի շրջանակում՝ ս. թ. հունիսի 20-ին՝ ժամը 18:00-ին, ՀՀ Կոտայքի մարզի Աբովյան քաղաքի մշակույթի պալատում կկայանա Երևանի պարարվեստի պետական քոլեջի սաների համերգը. տեղեկացնում է ՀՀ մշակույթի նախարարության հասարակայնության հետ կապերի բաժինը:
Ելույթ կունենան «Դասական պար» բաժնի 7-րդ դասարանի և II և III կուրսի սաները:
Կկատարվեն մենապարեր և զուգապարեր՝ Պ. Չայկովսկու, Ց. Պունիի, Շ. Ադանի, Ա. Մինկուսի, Պաուլիի, Ժ. Բրելի և Է. Բաղդասարյանի երաժշտությամբ:
Երևանի պարարվեստի պետական քոլեջի հաջորդ մշակութային կանգառը սեպտեմբերին է՝ Արցախում:
Հիշեցնենք, որ ՀՀ մշակույթի նախարարության «Մշակութային կանգառ» ծրագիրը մեկնարկել է ս. թ. հունվարի 26-ին, ծրագրի շրջանակում, ՀՀ և Արցախի 98 համայնքներում կիրականացվի 426 միջոցառում` թատերահամերգային ծրագրեր, ցուցահանդեսներ, կինոցուցադրություններ:
Ծրագրի գլխավոր հովանավորն է մարդկային ռեսուրսների «Փյունիկ» հիմնադրամը:
