Բայդենի կողմից Պուտինի նկատմամբ պատժամիջոցներ կիրառելը ծանր, բայց շատ անհրաժեշտ քայլ կլինի․ ուկրաինացի քաղաքագետ

Լուրեր

23.11.2024 | 11:23
Արտարժույթների փոխարժեքները՝ նոյեմբերի 23-ի դրությամբ
23.11.2024 | 11:00
Հոկտեմբերին եկամուտ ստացող աշխատատեղերի թվաքանակը կազմել է 779 151․ ՊԵԿ
23.11.2024 | 10:41
ՀՀ տարածքում ավտոճանապարհներն անցանելի են
23.11.2024 | 10:19
Քյարամյանի մտերիմը` ՔԿ նախագահ. ո՞վ է Արթուր Պողոսյանը
23.11.2024 | 10:02
Տիգրան Ավինյանի գլխավորած պաշտոնական պատվիրակությունը մեկնել է ԱՄՆ
23.11.2024 | 00:35
Թրամփի հետ հեռախոսազրույցը տեղեկատվական էր, բայց նաև շատ պոզիտիվ. Փաշինյան. ՏԵՍԱՆՅՈՒԹ
23.11.2024 | 00:30
«Արևմտյան Ադրբեջանը» մեզ է գրգռում, բա չե՞նք մտածում, որ «Արևմտյան Հայաստանն» էլ ուրիշներին է գրգռում. Փաշինյան. ՏԵՍԱՆՅՈՒԹ
23.11.2024 | 00:16
Փաշինյանը պատմեց՝ ինչու որոշեց սափրել մորուքը. ՏԵՍԱՆՅՈՒԹ
23.11.2024 | 00:12
Կարելի է գնալ նման գործարքի,եթե կնքվի պայմանագիր. Փաշինյանը՝ Ադրբեջանի դեմ հայցերից հրաժարվելու մասին. ՏԵՍԱՆՅՈՒԹ
23.11.2024 | 00:04
Վթար Երևան քաղաքի Տիչինայի փողոցում․ կան հոսպիտալացվածներ
22.11.2024 | 23:56
Սահմանադրության փոփոխության օրակարգը բանակցային սեղանին չենք քննարկել. Նիկոլ Փաշինյան. ՏԵՍԱՆՅՈՒԹ
22.11.2024 | 23:51
Նպաստ ստացող ընտանիքների թիվը մոտ 30 հազարով կրճատվել է. Նիկոլ Փաշինյան. ՏԵՍԱՆՅՈՒԹ
22.11.2024 | 23:43
Զգացում ունեմ՝ 300 հազար էլ կհավաքվի. Փաշինյանը՝ Եվրաքվեի ստորագրահավաքի մասին. ՏԵՍԱՆՅՈՒԹ
22.11.2024 | 23:39
Անպատասխանատվության բացառիկ դրսևորում է. Փաշինյանը՝ Գյումրիում ստեղծված իրավիճակի մասին. ՏԵՍԱՆՅՈՒԹ
22.11.2024 | 23:38
Ադրբեջանում իշխանություններին քննադատելու համար քաղաքագետին արգելել են լքել երկիրը
Բոլորը

Ռուսաստանի համար ներկա պահին ցանկացած բան կարող է պատերազմի ոչ պաշտոնական պատրվակ լինել: Factor.am-ի հետ զրույցում կարծիք հայտնեց ուկրաինացի քաղաքագետ Օլեքսանդր Կրաևը՝ անդրադառնալով Ուկրաինայի սահմաններին ռուսական զինտեխնիկայի կուտակումից հետո առաջացած լարվածությանը։

«Մենք, ի սկզբանե, գիտեինք, որ Ռուսաստանի առաջարկների մեծ մասը հաջողություն չի ունենալու ԱՄՆ-ի և ՆԱՏՕ-ի մոտ, և նրանք ճիշտ որոշում կայացրին՝ չխաբվելով դրանց։ Ինչ վերաբերում է այս պահին, մենք ունենք սպասվող էսկալացիա, և ավելի ու ավելի շատ ռուսական զորքերի կուտակում սահմանին»,- նշեց նա։

Խոսելով այն մասին, որ ԱՄՆ նախագահ Ջո Բայդենը չի բացառել Ռուսաստանի նախագահ Վլադիմիր Պուտինի նկատմամբ անձնական պատժամիջոցների կիրառումը, եթե Ռուսաստանը ներխուժի Ուկրաինա՝ Օլեքսանդր Կրաևը նշեց, որ դրանք կլրացնեն ողջ պատժամիջոցային համակարգը, բայց բավարար չեն լինի ներխուժումը կասեցնելու համար։

«Իհարկե, դա ծանր, բայց շատ անհրաժեշտ քայլ է, սակայն դա միայն մեծ ռազմավարության մի մասն է»,- նկատեց նա:

Նրա կարծիքով՝ Ուկրաինան և գործընկերները պետք է նախապես գործեն՝ կանխելով Ռուսաստանի գործողությունները։

«Մենք պետք է կործանարար պատժամիջոցներով «հարձակվենք» Ռուսաստանի վրա և ոչնչացնենք նույնիսկ հետագա առաջխաղացման հնարավորությունը։ Նրանք արդեն բավականաչափ արել են, նույնիսկ այս մեկ ամսվա ընթացքում, մեր նման արձագանքի համար»,- նշեց նա։

Ըստ Օլեքսանդր Կրաևի՝ ուկրաինական հասարակության մեջ տրամադրությունները տարբեր են. շատերը համարում են, որ ոչ մի լուրջ բան տեղի չի ունենա՝ Ռուսաստանը միայն փոքրամասշտաբ հարձակում կիրականացնի կամ պարզապես ոչինչ չի անի:

«Մյուս մասը շատ ավելի հոռետեսորեն է տրամադրված՝ նշելով, որ մենք գտնվում ենք Կիև լայնամասշտաբ ներխուժման և ռմբակոծության շեմին»,- ասաց նա։

Կրաևը կարծում է, որ Արևմուտքի աջակցությունը շատ կարևոր է։

«Իհարկե, մենք դեռ հույս ունենք, որ ՆԱՏՕ-ի երկրների առնվազն որոշ զորքեր այստեղ կլինեն՝ որպես զսպող գործոն»,- ասաց նա։

Հռիփսիմե Հովհաննիսյան