10.10.2026 | 16:51
«Գալուստ Գյուլբենկյան» հիմնադրամի հոգաբարձուների խորհրդի նախագահն այցելել է Հայոց ցեղասպանության հուշահամալիր
Սաթիկ Սեյրանյանը վերընտրվեց Ժուռնալիստների միության նախագահ
Հասարակություն
29.01.2022 | 14:46
Ժուռնալիստների միության գործող նախագահ, «168»-ի գլխավոր խմբագիր Սաթիկ Սեյրանյանը վերընտրվեց միության նախագահի պաշտոնում:
Այսօր ՀԺՄ 13-րդ համագումարում քվեարկության արդյունքում 92 «կողմ» ձայնով որոշվեց, որ Սեյրանյանը կշարունակի պաշտոնավարումը, իսկ քարտուղարի պաշտոնում ընտրվեց նախկին լրագրող, նախկին պատգամավոր Մարգարիտ Եսայանը։
Ժուռնալիստների միության նախագահի պաշտոնում այլ թեկնածու չէր առաջադրվել:
Նշենք՝ Հայաստանի ժուռնալիստների միությունը ոչ կառավարական կազմակերպություն է, որը միավորում է հեռուստատեսության, ռադիոյի, տեղեկատվական գործակալությունների և հրատարակությունների պրոֆեսիոնալ լրագրողներին։ Միությունը ստեղծվել է 1959 թվականի մարտի 27-ին։ 1978 թվականի հունիսի 1–ին Երևանում բացվել է Ժուռնալիստների տունը, որտեղ էլ գործում է միության գրասենյակը։
Սաթիկ Սեյրանյանից առաջ միությունը գլխավորում էր Աստղիկ Գևորգյանը։
