10.12.2025 | 23:29
ԱՄՆ Կոնգրես է ներկայացվել 907 ուղղումն ամբողջությամբ չեղյալ համարելու մասին օրինագիծ
47 համարի ավտոբուսի վարորդը հայտնաբերվել է և տուգանվել
Հասարակություն
26.01.2022 | 14:49
Համացանցում տեսնայութ էր տարածվել, որում երևում է, թե ինչպես է Երևանում 47 համարի ավտոբուսային երթուղին սպասարկող` ուղևորներով լի ավտոբուսը երթևեկում մայթով՝ շրջանցելով խցանումը։ Դեպքը տեղի է ունեցել երեկ՝ հունվարի 25-ին, ժամը 15։35-ին։
Քաղաքապետարանից Factor.am-ի հայտնեցին, որ տվյալ երթուղին մասնավոր ընկերություն է սպասարկում։ «Երթուղին սպասարկող ընկերության ղեկավարությունը խիստ նկատողություն է տվել վարորդին՝ երթևեկության կանոնները կոպիտ խախտելու համար»,- ասաց Քաղաքապետարանի լրատվության վարչության պետի տեղակալ Տարոն Գևորգյանը։
Ոստիկանությունից էլ մեզ հայտնեցին, որ ավտոբուսի վարորդը հայտնաբերվել է․
«Վարորդի նկատմամբ կազմվել է վարչական իրավախախտման վերաբերյալ համապատասխան արձանագրություն»։
Նշենք, որ տրանսպորտային միջոցների վարորդների կողմից մայթերին կայանելը կամ մայթերով երթևեկելը, բացառությամբ ճանապարհային նշաններով թույլատրված դեպքերի, ինչպես նաև ստորգետնյա կամ վերգետնյա հետիոտնային անցումներով երթևեկելը սահմանում է տուգանք՝ 20․000 դրամի չափով։
Արփի Հակոբյան
