19.05.2026 | 11:48
Մասկն ընդդեմ Ալթմանի. դատարանը մերժել է OpenAI-ի դեմ աղմկահարույց հայցը
ՌԴ-ի դեմ պատժամիջոցներն արդեն պատրաստ են. ԱՄՆ Ֆինանսների նախարարություն
Քաղաքականություն
26.01.2022 | 14:53
Լուրեր
19.05.2026 | 11:31
Հրապարակվել է Սոնա Մնացականյանի վրաերթի գործով Վերաքննիչ դատարանի որոշումը. ՈՒՂԻՂ
19.05.2026 | 11:30
Ռուսական զորքերը հարվածել են Ուկրաինայի մի քանի շրջանների. զոհեր և վիրավորներ կան
Ուկրաինայի վրա հարձակման դեպքում Ռուսաստանի դեմ կիրառվելիք պատժամիջոցներն արդեն պատրաստ են։ Bloomberg-ին տված հարցազրույցում այս մասին հայտնել է ԱՄՆ ֆինանսների փոխնախարար Ուոլլի Ադեյեմոն։
«Մենք ունենք պատժամիջոցների մանրակրկիտ մշակված փաթեթ, որը զգալի ազդեցություն կունենա Ռուսաստանի տնտեսության վրա, բայց կօգնի մեղմել դրանց ազդեցությունն այստեղ՝ ԱՄՆ-ում»,- ասել է պաշտոնյան՝ նշելով, որ «պատժամիջոցները պատրաստ են»։
Խոսելով Swift միջազգային վճարային համակարգից Ռուսաստանի Դաշնությանն անջատելու հնարավորության մասին՝ Ադեյեմոն ասել է, որ «բոլոր տարբերակները դիտարկվում են»։
Ամերիկացի պաշտոնյան նշել է, որ պատժամիջոցների նախապատրաստումը ներառում է «տասնյակ հեռախոսազրույցներ»՝ դրանք ԵՄ-ի հետ համակարգելու համար։ Նրա խոսքով՝ քննարկվող միջոցառումները «շատ ավելի նշանակալից» կլինեն, քան 2014 թվականին ձեռնարկվածները։
Ավելի վաղ լրատվամիջոցները հայտնել էին, որ ԱՄՆ-ը նոր պատժամիջոցներ է պատրաստում Ռուսաստանի դեմ։ Դրանք կկիրառվեն Ռուսաստանի կողմից էսկալացիայի դեպքում և կազդեն հումքի ու զենքի արտահանման վրա։ ԱՄՆ-ը նաև պատրաստ է սահմանափակել բարձր տեխնոլոգիաների արտահանումը Ռուսաստան։
Տաթև Ֆռանգյան
