06.08.2026 | 15:43
Հայ եկեղեցու առաջնորդը կկանգնի դատարանի առաջ՝ կառավարության հետ խորացող հակամարտության ֆոնին․ Reuters-ի անդրադարձը
Փաշինյանը մանրամասնեց՝ Ալիևին ինչ առաջարկներ են փոխանցվել դեմարկացիայի հարցով․ ՏԵՍԱՆՅՈւԹ
Քաղաքականություն
24.01.2022 | 20:33
Սահմանազատման գործընթաց սկսելու առաջարկները, որոնք հայկական կողմը ներկայացրել է ՌԴ-ին ու Ադրբեջանին, վերաբերում են ոչ թե բուն սահմանազատմանը, այլ մինչ գործընթացի մեկնարկը անվտանգության միջոցառումներին։
Այս մասին ՀՀ վարչապետ Նիկոլ Փաշինյանը հայտնեց այսօր առցանց մամուլի ասուլիսի ժամանակ` պատասխանելով հայկական կողմի առաջարկների մասին հարցին։
«Առաջարկները հետևյալի մասին են. դուք գիտեք, որ Սոչիում ստորագրված եռակողմ հայտարարության մեջ արձանագրված է, որ կողմերը պայմանավորվել են քայլեր ձեռնարկել հայ-ադրբեջանական սահմանին անվտանգության ու կայունության մակարդակը բարձրացնելու վերաբերյալ և գործը տանել դեպի դեմարկացիա և դելիմիտացիա` երկկողմ հանձնաժողովի ձևավորմամբ։ Մեր առաջարկը վերաբերում է հենց անվտանգության միջոցառումներին, ինչի մեջ գլոբալ առումով ոչ մի գաղտնիք չկա»,- նշեց Փաշինյանը` հավելելով, որ դեռևս 2021թ–ի մայիսին ինքը հրապարակավ ներկայացրել էր սահմանից ԶՈւ հայելային հետքաշման առաջարկը։
Ըստ Փաշինյանի` Ադրբեջանը, ըստ էության, ևս կողմ է արտահայտվել առանց նախապայմանների սահմանազատման գործընթաց սկսելուն։
Մանրամասները՝ տեսանյութում:
