Քաղաքականություն
24.01.2022 | 19:54
WikiLeaks-ի հիմնադիր Ջուլիան Ասանժին թույլատրել են բողոքարկել իրեն ԱՄՆ-ին արտահանձնելու վերաբերյալ որոշումը, գրում է Euronews-ը։
Երկուշաբթի Մեծ Բրիտանիայի Գերագույն դատարանը որոշում է կայացրել, որ նա կարող է իր բողոքն ուղարկել Միացյալ Թագավորության Գերագույն դատարան: Որոշումը վերջին քայլն է Ասանժի երկարատև պայքարում՝ խուսափելու ԱՄՆ-ին արտահանձնումից, որտեղ վերջինս մեղադրվում է լրտեսության մեջ՝ WikiLeaks-ի կողմից ավելի քան մեկ տասնամյակ առաջ գաղտնի փաստաթղթերի հրապարակման հետ կապված:
Ընդամենը մեկ տարի առաջ Լոնդոնի շրջանային դատարանի դատավորը մերժեց ԱՄՆ-ի արտահանձնման խնդրանքը՝ պատճառաբանելով, որ Ասանժը, ամենայն հավանականությամբ, ինքնասպան կլինի, եթե պահվի ԱՄՆ-ի դաժան բանտային պայմաններում:
Ավելի ուշ ԱՄՆ իշխանությունները երաշխիքներ տվեցին, որ WikiLeaks-ի հիմնադիրը չի բախվի խիստ սահմանափակող պայմանների, որոնք, նրա փաստաբանների կարծիքով, վտանգի տակ կդնեն նրա ֆիզիկական և հոգեկան առողջությունը:
Անցյալ ամիս Գերագույն դատարանը բեկանեց ստորադաս դատարանի որոշումը։ Ըստ Գերագույն դատարանի դատավորներ Յան Բերնեթի և Թիմոթի Հոլրոյդի՝ ամերիկյան խոստումները բավական են՝ երաշխավորելու Ասանժի նկատմամբ մարդասիրական վերաբերմունքը:
Տաթև Ֆռանգյան
