Քաղաքականություն
24.01.2022 | 10:24Ազգային ժողովում քննարկվում է Մարդու իրավունքների պաշտպանի ընտրության հարցը:
«Հայաստան» խմբակցության պատգամավոր Արթուր Ղազինյանը դիմելով ՄԻՊ թեկնածու Քրիստիննե Գրիգորյանին՝ նշեց, որ նա խոսեց ատելության խոսքի դեմ սկզբունքային դիրքորոշման մասին, մինչդեռ ԱԺ ամբիոնից վերջին երեք տարիներին հնչել են բավական սուր ու անթույլատրելի հայտարարություններ, որոնք իրենց մեջ պարունակել են ատելության խոսք:
«Մասնավորապես, «շնաբարո դուրսպրծուկներ», «վզից բռնելու ենք, շպրտենք դուրս»… Խնդրում եմ ձեր հստակ դիրքորոշումը հայտնել վարքագծի վերաբերյալ, տալ հստակ գնահատական, որը հարիր չէ ոչ միայն պետական պաշտոնյային, այլ նաև պետության առաջին դեմքին», – նշեց Ղազինյանը:
Քրիստիննե Գրիգորյանն էլ նշեց, թե ատելության խոսքի, հարգանքի, քաղաքակիրթ բանավեճի նշաձողը բոլորի ձեռքում է, և բոլորը պետք է բարձր պահեն այդ նշաձողը:
«Ես հետևողական եմ լինելու ու չեմ խուսափելու գնահատականներ տալու առումով, որովհետև կարծում եմ`որևէ հանրային դերակատար պետք է մեծ հոգածությամբ վերաբերվի այն մթնոլորտին, որի պատասխանատուն մենք բոլորս ենք», – ընդգծեց ՄԻՊ թեկնածուն:
Մանրամասները՝ տեսանյութում:
