24.11.2024 | 15:26
Ուկրաինան կարող է ավարտել պատերազմը 2025-ին․ Զելենսկին սպասում է Թրամփի առաջարկներին
Ստեղծված իրավիճակում հեղուկ գազի գնաճ է լինելու. Թադևոս Ավետիսյան. ՏԵՍԱՆՅՈՒԹ
Տնտեսություն
20.01.2022 | 13:35
«Հեղուկ գազը Հայաստանում կթանկանա»,- լրագրողների հետ զրույցում այսպիսի կանխատեսում արեց «Հայաստան» խմբակցության պատգամավոր Թադևոս Ավետիսյանը՝ պատասխանելով հեղուկ գազի դեֆիցիտի մասին հարցին:
Նա երեք գործոն նշեց, որով պայմանավորված հնարավոր է թանկացումը. «Առաջին՝ Հայաստանը հեղուկ գազ չունի և ներկրում է, իսկ այդ շուկաներում կա որոշակի թանկացում, երկրորդ գործոնն այն է, որ Հայաստանի շուկան փոքր է, իսկ ներկրման բարձր մենաշնորհացման աստիճանը շարունակում է պահպանվել։ Երրորդ գործոնը բարձր մենաշնորհացման շուկաների նկատմամբ վերահսկողական մարմնի հսկողությունն է, «որի վերլուծությունները, ուսումնասիրությունները երբեմն փաստաբանի գրած հիմնավորման տպավորություն են թողնում»:
«Փոխանակ օբյեկտիվ իրավիճակը վերլուծվի, ինչու չէ նաև գործադրվեն պետական վերահսկողության լծակները ողջ ծավալով, քանի որ խոսում ենք լայն սպառման առարկայի գնաճի մասին, տեսնում ենք որ չէ, փորձ են անում ինչ-որ ձևով հիմնավորեն այդ գնաճը»,- ասաց ընդդիմադիր պատգամավորը:
«Առնվազն այսօր «Գազպրոմի» կողմից ներկայացված հայտ կա, ըստ որի՝ ապրիլի 1-ից ԱԳԼՃԿ-ների համար, այսպես ասաց, սեղմված գազի վաճառքի կետերի համար հեղուկ գազն առնվազն 8-8,5 տոկոսով թանկանալու է: Կարծում եմ՝ առնվազն այդքան կամ ավելի կբարձրանա բնական գազի սակագինը ԱԳԼՃԿ-ների համար, որն էլ բերելու է վերջնական սպառողի համար սեղմված գազի թանկացման»,- ասաց Թ. Ավետիսյանը:
Մանրամասները՝ տեսանյութում:
